अनलाइन डबली
२३ असोज २०८० सुर्खेत ।
नेकपा(माओवादी) को अभियान टिमले कालिकोटको तिलागुफा नगरपालिका वडा नम्बर ९,१० र ११ जोड्ने भैसेगौडामा काठेपुल निर्माण गरेको छ ।
घर–घरमा माओवादी, जन–जनमा माओवादी जनतासंग माओवादी विशेष रुपान्तरण अभियानको सिलसिलामा काठेपुल निर्माण गरिएको (माओवादी केन्द्र) तिलागुफा नगर अध्यक्ष प्रेम प्रसाद पाण्डेले जानकारी दिए ।
उनका अनुसार आउँदै गरेको चाडपर्व (दशैं,तिहार)लाई लक्षित गरि अभियानका क्रममा काठेपुल निर्माण गरिएको हो ।
अभियानका क्रममा माओवादी कार्यकर्ताहरुले बाटोघाटो,पुल,कुलो,विद्यालय तथा स्वास्थ्य संस्थाका भवनहरु निर्माण गर्दै आइरहेका छन् । अभियानबाट जनतामा उत्साह थपिएको अध्यक्ष पाण्डेले बताए ।
