अनलाइन डबली
काठमाडौँ । शिक्षकहरु आन्दोलनमा उत्रिएपछि आजबाट देशभरका सामुदायीक विद्यालय पूर्णरुपमा बन्द हुने भएका छन् । यसबाट देशभरका ७० लाख भन्दाबढी विद्यार्थीहरूको पठनपाठन बन्द हुने भएको छ ।
सरकारले ल्याएको विद्यालय शिक्षा विधेयकको विरोधमा देशभरका शिक्षकहरू काठमाडौं आएका छन् । विहीबारबाट सुरु भएको आन्दोलन सुरु भएपनि सार्वजनिक बिदा भएका कारण आजबाट विद्यालय पूर्णरुपमा बन्द हुने भएका हुन् ।
नेपाल शिक्षक महासंघको आह्वानमा देशभरका शिक्षक, कर्मचारीहरू आन्दोलनका लागि काठमाडौँ आएका हुन् । नेपाल शिक्षक महासंघका महासचिव लक्ष्मीकिशोर सुवेदीका अनुसार शिक्षक कर्मचारी आन्दोलनका लागि काठमाडौँ आएकोले सम्पूर्ण विद्यालयको पठनपाठन अवरुद्ध हुनेछ ।
शिक्षकहरुले सरकारकै कारण काठमाडौँ आएर आन्दोलन गर्नुपरेको भन्दै विद्यार्थीहरूको पढाईमा पछि बिदाका दिनमा पनि विद्यालय खुला गरेर पठाउन बताएका छन् ।
सरकारले शिक्षकहरुलाई वार्तामा बोलाएको छ तर सरकार र शिक्षकबीच वार्ताको वातवरण बन्न सकेको छैन ।
