अनलाइन डबली
काठमाडौँ । संसदीय सुनुवाईबाट कार्यविधि पारित भएको छ । सोमबार बसेको समितिको बैठकले उजुरीकर्तालाई आमन्त्रित गरी छलफल गर्नेसम्बन्धी कर्याविधि पारित गरेको छ ।
प्रस्तावित प्रधानन्यायाधीश हरिकृष्ण कार्कीको संसदीय सुनुवाइका लागि आज उजुरी खोलिएसँगै उजुरीकर्तासँग सम्बन्धी कार्यविधि पारित गरेको हो । समितिले जेठ ३१ गते ११ बजे अर्को बैठक बोलाउने निर्णय समेत गरेको छ । सोमबार बिहान सिंहदरवारमा बसेको समितिको बैठकमा प्रस्तावित प्रधानन्यायाधीश कार्कीविरुद्ध परेमा उजुरीको पोको खोलिएको थियो ।
प्रतिनिधिसभाका जेष्ठ सदस्य पशुपति शमशेर जबरा (राणा) को सभापतित्वमा बसेको बैठक बसेको थियो । समितिमा कार्कीविरुद्ध २९ वटा उजुरी परेका छन् । सोमबारको बैठकमा खोलिएका उजुरी समितिका सदस्यहरुलाई अध्ययनका लागि उजुरीको फोटाकपी वितरण गरिएको छ ।
समितिले जेठ ३० र ३१ गते उजुरीकर्तासँग छलफल गर्ने, जेठ ३२ गते प्रस्तावित प्रधानन्यायाधीश कार्कीलाई बोलाएर सुनुवाई गर्ने र असार १ गते बिहान ८ बजे बैठक बसी निर्णय गर्ने कार्ययोजना बनाएको छ ।
