अनलाइन डबली
काठमाडौं । अमेरिका र बेलायतले युक्रेनलाई डिप्लिटेड युरेनियम हतियार दिएपछि रुसले पनि बेलारुसमा आणविक हतियार तैनाथ गर्ने घोषणा गरेको छ । रुसका राष्ट्रपति भ्लादिमिर पुटिनले बेलारुसमा आणविक हतियार तैनाथ गर्ने घोषणा गरेका थिए ।
बेलायतले डिप्लिटेड हतियारको प्रयोगको लागि युक्रेनी सेनालाई अन्तिम चरणको तालिम दिइरहेको छ । बेलायतले दिने डिप्लिटेड युरेनियम हतियार प्रयोगबाट निस्कने विकिरण पुस्तौसम्म नराम्रो असर पार्छ । संयुक्त राष्ट्रसंघले पनि यसको उपयोग हानिकारक हुने भनी चिन्ता व्यक्त गरेको छ । तर पनि राष्ट्रसंघले त्यसलाई रोक्न भन्न सक्दैन ।
पश्चिमा राष्ट्रहरुको यति मानवताविरुद्धको कदम उठाएका छन् । यसले विश्वलाई आणविक युद्धतिर धकेल्नेछ । बेलायतले दिने लागेको रासायनिक हतियारभन्दा रुसले बेलारुसमा तैनाथ गर्न लागेको आणविक हतियारलाई ठूलो विषय बनाइएको छ ।
यसअघि छिमेकी पोल्याण्डले अमेरिकासँग आफ्नो देशमा आणविक हतियार सार्न भनेको थियो ।
रुसी राष्ट्रपति पुटिनले अमेरिकाले नेदरल्यान्ड्स, बेल्जियम, जर्मनी, इटली र टर्कीसँग आणविक बाँडफाँट सहमति गरी १०० वटा ट्याक्टिकल आणविक हतियारहरू तैनाथ गरेको कुरालाई स्मरण गराएका छन् ।
आणविक हतियार स्ट्राटेजिक र ट्याक्टिकल गरी दुई किसिमका हुन्छन् । स्ट्राटेजिक आणविक हतियार हजारौं माइल टाढा रही पनडुब्बी, लामो दूरीको बमवर्षक विमान वा अन्तर्महादेशीय ब्यालिस्टिक क्षेप्यास्त्रबाट प्रहार गर्न सकिन्छ । यसले पूरा शहरलाई नै ध्वस्त बनाइदिन सक्छ ।
त्यस्तै, ट्याक्टिकल आणविक हतियार चाहिँ एउटा विशेष क्षेत्रको निशानालाई ध्वस्त पार्न वा सीमित दायराभित्रको तारोलाई नष्ट पार्नका लागि उपयोग गरिन्छ । त्यसको विस्फोटक शक्ति (पेलोड) पनि सानै हुन्छ ।
शीतयुद्धको समयमा अमेरिका र सोभियत संघले यस्ता हतियार निर्माण गरेका थिए । यस्ता हतियारको प्रयोग एक ठाउँमा मात्रै भएको छ । दोस्रो विश्वयुद्धको अन्तिमतिर अमेरिकाले जापानाका दुईवटा शहरमा खसालेको बाहेक अहिलेसम्म आणविक हतियारको प्रयोग भएको छैन । तर, अमेरिका र बेलायतका पछिल्ला कदमले आणविक हतियार प्रयोगको खतरा बढाएको छ ।
पुटिनले बेलारुस भूमिमा आणविक हतियार राख्ने काम अमेरिकाले युरोपमा हतियार राखे जस्तो कदम मात्र भएको बताएका छन् । आणविक हतियार राखेपनि त्यसको नियन्त्रण उसलाई गर्न नदिने पुटिनको बताएका छन् । तर अमेरिका र नेटोले युक्रेन युद्धको दायरा बढाए बेलारुसी सैनिकहरूलाई आणविक हतियार सञ्चालन तथा उपयोगको तालिम दिने चेतावनी पुटिनले दिएका छन् ।
बेलायतले युक्रेनलाई डिप्लिटेड युरेनियम हतियारको असर आफ्नो देशमा पर्ने भन्दै बेलारुसका राष्ट्रपति अलेक्जेन्डर लुकाशेन्कोले रुसी आणविक हतियार तैनाथीमा गर्न आवश्यक रहेको बताए । उनले रुसले बेलारुसलाई वास्तविक युरेनियम हतियार उपलब्ध गराउन सक्ने भन्दै बेलायतलाई युक्रेनलाई त्यस्ता हतियार नदिन चेतावनी दिएका छन् ।
त्यस्तै अमेरिका र बेलायतले अस्ट्रेलियालाई आणविक ऊर्जाबाट चल्ने पनडुब्बीका नाममा आणविक हतियार बोक्न सक्ने पनडुब्बी दिन लागेको विज्ञहरुले बताएका छन् । अमेरिकाको यो कदमले समग्र मानवतालाई खतरा पार्न सक्ने बताइएको छ ।
