Skip
आज :

बालेनको पहिलो निर्णय, जसले काठमाडौँ महानगरमा ल्यायो हलचल

  • अनलाइन डबली

काठमाडौँ । काठमाडौं महानगरपालिकाका नवनिर्वाचित मेयर र उपमेयरमाले पद तथा गोपनियताको शपथ लिएका छन् । शपथ लिएपछि नगरप्रमुख बालेन्द्र साहले महानगरको कार्यालयमा पदभार ग्रहण गरे । साहले पहिलो निर्णयमा हस्ताक्षर समेत गरे ।

साहले पहिलो निर्णय नगरसभाको बैठक दिउँसो ४ बजे बोलाउने र बैठकको लाइभ प्रसारण गर्ने निर्णयमा हस्ताक्षर गरेका हुन् । पहिलो निर्णयपछि प्रतिक्रिया दिँदै उनले आफूले फोहोर व्यवस्थापनलाई प्राथमिकतामा राखेर काम सुरु गर्ने प्रतिक्रिया दिए ।

त्यसैगरी नगर उपप्रमुख सुनिता डंगोलले पनि पदभार ग्रहण गरेकी छन्। बालेन र सुनिताले बैशाख ३० गते सम्पन्न स्थानीय तह निर्वाचना आफ्ना प्रतिस्पर्धीलाई निकै पछि पारेर निर्वाचित भएका थिए । साहले स्वतन्त्र र सुनिताले नेकपा एमालेको चुनाव चिन्हमा चुनाव लडेका थिए ।

सोमबार विहान राष्ट्रिय सभागृहमा मुख्य निर्वाचन अधिकृत राजुकुमार खतिवडाले मेयर साहलाई शपथ ग्रहण गराएसँगै औपचारिक रुपमा काम थाल्ने भएका छन् ।

साहले नेपाली भाषामा शपथ ग्रहण गरिसकेपछि उनले नेपाल भाषामा पनि शपथको व्यहोरा वाचन गरेका थिए । मेयर साह मधेसी मुलको भएकोले शपथ ग्रहण समारोहमा कस्तो भाषा बोल्छ र कस्तो पहिरन लगाउछ भन्ने सबैको चाँसोको विषय बनेको थियो । साहले दौरा सुरुवाल र भादगाउँले टोपी लगाएर सहभागी भएका थिए भने सुनिताले नेवारी पहिरनमा थिइन् ।

आजै मेयर साहले वडा अध्यक्ष र सदस्यहरुलाई शपथ ग्रहण गराएका छन् ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal