आज :

बिमलेन्द्र निधिलाई प्रमुख अतिथि बनाइएको कार्यक्रममा लफडा, यस्तो छ कारण

जनकपुरधाम । जनकपुरधाम उपमहानगरपालिकाका नवनिर्वाचित जनप्रतिनिधिको बिहीबार आयोजना गरिएको पदस्थापन कार्यक्रम नेकपा एमालेबाट निर्वाचित जनप्रतिनिधिले बहिष्कार गरेका छन् ।

पदस्थापन कार्यक्रमका प्रमुख अतिथी नेपाली कांग्रेसका नेता बिमलेन्द्र निधिलाई बनाइएपछि एमालेका जनप्रतिनिधिले कार्यक्रम नै बहिष्कार गरेका हुन् ।

एमालेबाट निर्वाचित उपमहानगरपालिकाका ७ वटा वडाका अध्यक्ष र सदस्यहरुले विज्ञप्ति नै जारी गरेर पदस्थापन कार्यक्रम बहिष्कार गरेका हुन् । कुनै दलको एक जना नेतालाई कार्यक्रमको प्रमुख अतिथि राखेकाले आफूहरुले बहिष्कार गरेको उनीहरुले बताएका छन् ।

‘प्रदेशका मुख्यमन्त्री, मन्त्री वा नेपाल सरकारका बहालवाला प्रधानमन्त्री, मन्त्री वा सरकारका कुनै तह अनुसारको कर्मचारी भएको भए हामीलाई आपत्ति हुने थिएन्’ विज्ञप्तिमा भनिएको छ, ‘तर सुरुवातमै यस्तो कदम चालेकोले पदस्थापन कार्यक्रममा भाग लिन असमर्थ भएका छौं ।’

जनकपुरधामको मेयरमा स्वतन्त्र उम्मेदबारी दिएका मनोज साह निर्वाचित भएका छन् । नेपाली कांग्रेसबाट राजिनामा दिएर मेयरमा निर्वाचित भएका साह बुधबार नेपाली कांग्रेसले निकालेको विजयी जुलुसमा सहभागी भए । उनले आफू कांग्रेसकै मतबाट जितेकाले विजयी जुलुसमा सहभागी भएको भन्दै फेरि पार्टीमा फर्किन सक्ने बताएका थिए ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा
दर्ता नं. १५४/०७३-७४

Copyright © 2021 Online Dabali | Powered By EasySoftnepal