सुर्खेत । सुर्खेतबाट मुगु जाँदै गरेको बस दुर्घटना हुँदा २३ जनाको मृत्यु भएको छ । सुर्खेतबाट भे १ ख ३१६७ नम्बरको बस मुगुको सदरमुकाम गमगढीतर्फ गइरहँदा दुर्घटना भएको मुगु प्रहरीले जनाएको छ ।
मुगुका प्रमुख जिल्ला अधिकारी रोमबहादुर महतका अनुसार बस छायाँनाथ रारा नगरपालिका–७, पिना झ्यारीखोलामा दुर्घटना भएको थियो । दुर्घटनामा परी दुई दर्जनबढी घाइते भएको बताइएको छ ।
अहिले पनि उद्धार कार्य जारी रहेको प्रहरीले बताएको छ । आज दिउँसो २ बजेतिर ३९ जना यात्रु रहेको बस दुर्घटनामा परेको थियो ।
नेपाली सेना, नेपाल प्रहरी, सशस्त्र प्रहरी र स्थानीय वासिन्दाले उद्धार गरेर घाइतेलाई विमानस्थल पुर्याइरहेका छन् । गम्भीर घाइतेमध्ये १४ जनालाई थप उपचारका लागि नेपालगञ्ज लगिएको छ । समिट एयरको हेलिकोप्टरबाट १२ जना र नेपाली सेनाको हेलिकोप्टरबाट २ जनालाई नेपालगंज पुर्याइएको छ ।
घाइतेमध्ये धेरैको अवस्था गम्भीर रहेकोले मृत्यु हुनेको संख्या ाबढ्न सक्ने प्रहरीले बताएको छ ।
- फाइल फोटो
