News Portal

  • छत्रपाटी निःशुल्क चिकित्सालयमा कोरोनाविरुद्ध खोप, चिनियाँ भेरोसील लागाउन तँछाड-मछाड

    डबली संवाददाता २०७८ असार ३१ गते
    २१३ पटक

    काठमाडौं । छत्रपाटी निःशुल्क चिकित्सालय जसले नेपालमा कोरोना विरुद्धको खोप पहिलो पटक सुरु गरेको थियो र पछिल्लो समयमा पनि निरन्तररुपमा प्रति दिन हजार भन्दा बढी नागरिकलाई खोप सेवा उपलब्ध गरिरहेको छ । यसै क्रममा क्षेत्रपाटी स्थित गोरखा अस्पतालको प्राङ्गणमा चिकित्सालयले झण्डै एक हजार जनालाई खोप सेवा उपलब्ध गरेको अध्यक्ष डा.मनोजमान श्रेष्ठले अनलाइन डबलीलाई बताएका छन् ।

    नेपाल सरकारले पछिल्लो समयमा चिनियाँ खोप भेरोसील जनतालाई वितरण गरिरहेको छ, यस क्रममा सो चिकित्सालयको समन्वयमा कहिले हजार, कहिले १४ सय त कहिले १५ सय जति तोकिएको मापदण्ड भित्रका नागरिकले सो खोप लागाइरहेको अध्यक्ष श्रेष्ठले बताए । काठमाडौं नारायणटार स्थायी गर भएकी रोशनी श्रेष्ठले विहान ६ बजेदेखि लाईन बसेर खोप लागएको बताइन । यस अघिका समयमा इण्डियन, अमेरिकन लगायत देशका कम्पनीहरुद्वारा उत्पादित खोपहरुमा केहि समस्या आएको हाल्ला चलेपछि नेपाली जनताले ती खोपहरु लगाउन मानेका थिएनन् । तर पछिल्लो समयमा सबै भन्दा सुरक्षित तथा विश्वसनिय खोपकारुपमा भएकोले चिनियाँ खोप भेरोसिल लागाएको क्षेत्रपाटीकी रोजिना थापाले बताइन् ।

    त्यसैगरी विगत ३ दिन देखि लाइनमा बसेर तेस्रो दिन टोकन पाउन सफल बालाजु बस्दै आएकी खोटाङ स्थायी घर भएकी सलोनी लिम्बुले यो खोप लाउन पाएकोमा निकै खुसि भएको बताइन । दैनिक हजारौंको संख्या लाइनमा बस्ने तर सिमित खोप हुने भएकोले सके जति मापदण्डमा परेका नागरिकलाई सकभर खोप सेवा दिने प्रयास गरेको अध्यक्ष श्रेष्ठले बताए ।

    प्रतिकृया दिनुहोस्