News Portal

  • शनिबार कोरोना संक्रमित ७० जना, ४३१ जनाले जितेर घर फर्किए, थप तीन जनाको ज्यान गयो

    डबली संवाददाता२०७७ असार २७ गते
    २११ पटक

    काठमाडौं । नेपालमा कोरोना सं क्रमितको संख्या दुई अंकमा झरेको छ । पछिल्लो २४ घण्टाको विवारण सार्वजनिक गर्दै स्वास्थ्य तथा जनसंख्या मन्त्रालयले शनिबार थप ७० जनामा कोरोना संक्रमण भएको पुष्टि भएको बताएको छ ।

    मन्त्रालयका प्रवक्ता डा. जागेश्वर गौतमका अनुसार देशका विभिन्न प्रयोगशालमा ३ हजार ६४८ नमुना परीक्षण गर्दा ७० जनामा कोरोना पोजेटिभ देखिएको हो । पछिल्लो २४ घण्टामा २८ जिल्लामा संक्रमित भेटिएका छन् । तर कहीँ दोहोरो अंकमा छैनन् । सबैभन्दा धेरै सिन्धुपाल्चोक र दाङमा ५–५ जना संक्रमित थपिएका छन् ।

    यस्तै सुनसरी, उदयपुर, स्याङजा, तनहुँ र कञ्चनपुरमा ४–४ जना, काठमाडौं, मोरङ, धादिङ, सर्लाही, बाग्लुङ र सुर्खेतमा ३–३ जना र झापा, म्याग्दी, कास्की, बाँके, बर्दिया र जुम्लामा २–२, सिराहा, नुवाकोट, चितवन, सिन्धुली, रौतहट, पर्वत, पाल्पा, रुकुम पश्चिम, सल्यान र अछामका एकएक जनाको रिपोर्ट पोजेटिभ आएको प्रवक्ता गौतमले जानकारी दिए । यससँगै नेपालमा कुल संक्रमितको संख्या १६ हजार ७१९ पुगेको छ ।

    त्यसैगरी कोरोना संक्रमित हुनेको भन्दा निको हुनेको संख्या बढ्दै गएको छ । शनिबार त्यो सर्वसाारण खुशी हुने गरी बढेको छ । प्रवक्ता गौतमका अनुसार देशका विभिन्न अस्पताल र आइसोलेसनबाट कोरोना जितेर ४३१ जना घर गएका छन् । यससँगै निको हुनेको संख्या ८ हजार ४४२ पुगेको छ ।

    निको हुनेको संख्या बढेपनि शनिबार एकै दिन थप तीन जनाको कोरोना कारण ज्यान गएको पुष्टि भएको छ । काठमाडौँका दुई र सिन्धुपाल्चोकका एक गरी तीन जनाको ज्यान गएको पुष्टि भएको छ ।

    काठमाडौँ शंखमुलका एक पुरुष र सिन्धुपाल्चोकका एक जनाको पाटन अस्पतालमा उपचारको क्रममा ज्यान गएको हो भने काठमाडौँकै गोकर्णका एक पुरुषको केएमसी शिक्षण अस्पतालमा ज्यान गएको छ ।

    काठमाडौं महानरपालिका–१० शंमखुलका ६० वर्षीय पुरुष १६ असारमा पाटन अस्पतालमा भर्ना भएका थिए । मिर्गौला रोगका विरामी उनी फोक्सोमा पानी जमेपछि अस्पताल पुगेका थिए । असार १७ गते उनमा कोरोना संक्रमण पुष्टि भएको थियो । उपचारका क्रममा शुक्रबार उनको ज्यान गएको स्वास्थ्य मन्त्रालयले जनाएको छ ।

    त्यसैगरी पाटन अस्पतालमा नै सिन्धुपाल्चोक, पाँचपोखरी–६ का ४५ वर्षीय पुरुषको पनि निधन भएको छ । उनी क्षयरोगको उपचारका लागि १८ गते अस्पताल भर्ना भएका थिए । उपचारका क्रममा गरिएको परीक्षणमा २२ गते उनलाई कोरोना संक्रमण पुष्टि भएको थियो र २५ गते उनको निधन भएको छ ।

    काठमाडौँको गोकर्णेश्वर–४ का ५४ वर्षीय पुरुषमा कोरोना संक्रमण पुष्टि भएको छ । मिर्गौला रोगका विरामी उनलाई श्वास प्रश्वासमा समेत समस्या भएपछि १९ गते त्रिवि शिक्षण अस्पताल महाराजगञ्ज लगिएको थियो । तर आईसीयूमा बेड नभएपछि केएमसी रिफर गरिएको थियो । उनको २१ गते नै स्वाब संकलन गरिएको थियो । योसँगै नेपालमा कोरोना संक्रमणका कारण मृत्यु हुनेको संख्या ३८ पुगेको छ ।

    प्रतिकृया दिनुहोस्