काठमाडौं । नेपालमा थप दुई जनाको कोरोना भाइरसका कारण ज्यान गएको छ । स्वास्थ्य तथा जनसंख्या मन्त्रालयले दिएको जानकारीअनुसार गोरखा र रुपन्देहीका एक पुरुषको ज्यान गएको छ ।
मन्त्रालयका प्रबक्ता डा. जागेश्वर गौतम दिएको जानकारीअनुसार गोरखाको पालुङटार नगरपालिका–७ का ४४ वर्षीय पुरुषको गोरखा अस्पतालमा उपचारको क्रममा असार १९ अस्पताल भर्ना गरिएका उनको आज विहान ५ बजेतिर ज्यान गएको थियो । उनी मधुमेह रोगबाट पीडित रहेका थिए । उनी कतारबाट फर्केका थिए ।
त्यसैगरी रुपन्देहीको देवदह नगरपालिकाका ७५ वर्षीय पुरुषको काठमाडाँैको त्रिवि शिक्षण अस्पतालमा उपचारको क्रममा ज्यान गएको छ । उनलाई असार १४ गते शिक्षण अस्पतालमा भर्ना गरिएको थियो । उपचारको क्रममा उनको असार १७ गते ज्यान गएको प्रवक्ता गौतमले जानकारी दिए । उनमा कोरोना संक्रमण भएको पुष्टि असार १८ गते भएपनि आजमात्रै सार्वजनिक गरिएको छ । योसँगै नेपालमा कोरोनाबाट ३४ जनाको ज्यान गएको छ ।
त्यसैगरी पछिल्लो २४ घण्टामा थप २३२ जनामा कोरोना संक्रमण पुष्टि भएको छ । देशभरका प्रयोगशालामा ४ हजार ५० नमुना परीक्षण गर्दा उनीहरुमा संक्रमण पुष्टि भएको प्रबक्ता गौतमले जानकारी दिए । योसँगै नेपालमा कोरोना संक्रमितको संख्या १५ हजार ४१५ पुगेको छ ।
त्यसैगरी संक्रमितको संख्या थपिँदै जाँदा निको भएर घर जानेको संख्या पनि बढ्दै गएको छ । पछिल्लो २४ घण्टामा थप २७२ जना निको भएर डिस्चार्ज भएका छन् । योसँगै निको हुनेको संख्या ६ हजार ४१५ पुगेको छ ।