काठमाडौँ । आज (असार १७ गते) कोरोना रोकथाम तथा नियन्त्रणको लकडाउन जारी भएको एक सय दिन पुगेको छ । बुधबार विहानै गण्डकी प्रदेशमा थप २८ जनामा कोरोना संक्रमण पुष्टि भएको छ ।
गण्डकी प्रदेशको स्वास्थ्य निर्देशनालयका अनुसार प्रदेशका ६ जिल्लामा नयाँ संक्रमण पुष्टि भएको हो । जसमा पूर्वी नवलपरासीका १२ जना रहेका छन् । कोरोना संक्रमण पुष्टि हुनेमा बुलिङटार गाउँपालिकाका २६ र २७ वर्षका २ जना पुरुष छन् ।
गण्डकी स्वास्थ्य निर्देशनालयका निर्देशक डा. विनोद विन्दु शर्माका अनुसार भरतपुर अस्पताल, चितवनमा कोरोना परीक्षणमा गैडाकोट गाउँपालिकाका २५ देखि ५० वर्ष उमेर समूहका ८ जना पुरुष, २३ र ५१ वर्षका २ महिलामा पनि कोरोना संक्रमण पुष्टि भएको छ ।
राष्ट्रिय जनस्वास्थ्य प्रयोगशाला पोखरामा गरिएको परीक्षणमा गोरखाका ३ जनामा कोरोना संक्रमण पुष्टि भएको छ । जसमा सहिद लखन गाउँपालिकाका ३० वर्षीय एक जना महिला, बारपाक गाउँपालिका २६, ५१ वर्षका २ जनामा कोरोना संक्रमण भएको हो ।
त्यस्तै, प्रदेश क्षयरोग केन्द्र, पोखरामा गरिएको परीक्षणमा १२ जनामा कोरोना संक्रमण पुष्टि भएको छ । संक्रमण पुष्टि हुनेमा स्याङ्जाका ८ जना छन् । स्याङ्जा वालिङ नगरपालिकाका ५० वर्षीया एकजना महिला र २७ वर्षीय पुरुष छन् ।
स्याङ्जा पुतलीबजार नगरपालिका २५ वर्षीय एक पुरुषमा पनि कोरोना संक्रमण पुष्टि भएको छ । भीरकोट नगरपालिकाका २३ देखि २७ वर्ष उमेर समूहका ४ जनामा पुरुष र २४ वर्षीय एक महिलामा कोरोना संक्रमण पुष्टि भएको प्रदेश स्वास्थ्य निर्देशनालयले जनाएको छ ।
बागलुङ जिल्लाको काठेखोला गाउँपालिकाका २९ वर्षीय एक महिला र सोही जिल्लाकै बडीगाड गाउँपालिकाका २३ र २६ वर्षीया २ महिलामा पनि कोरोना संक्रमण पुष्टि भएको छ । तनहुँको शुक्लागण्डकी र कास्कीको पोखरा महानगरपालिकामा एक÷एक जनामा कोरोना संक्रमण पुष्टि भएको छ ।
नवलपरासी, गोरखा र कास्कीका सबै संक्रमितलाई आइसोलेसनमा लगिसकिएको र बाँकी जिल्लाका संक्रमितलाई पनि आइसोलेसनमा लैजाने तयारी भइरहेको ले जानकारी दिए । योसँगै नेपालमा कोरोना संक्रमितको संख्या १३ हजार ५ सय ९२ पुगेको छ भने ज्यान गुमाउनको संख्या ३० पुगेको छ ।
