काठमाडौँ । कोरोना भाइरसको संक्रमणबाट अछाममा पहिलो पटक एकजनाको ज्यान गएको छ । भारतबाट आएका रामारोशन गाउँपालिका वडा नम्बर ५ का पुरुषको असार १४ गते कोरोनाका कारण ज्यान गएको हो ।
गौरीफन्टा नाका हुँदै भारतमा घर आएका उनी क्वारेन्टिबाट घर फर्केपछि एक्कासी बिरामी भएका थिए । असार १३ गते राति एक्कासी श्वासप्रश्वास सम्बन्धी समस्या आएपछि उनलाई उपचारका लागि बयालपाटा अस्पतालमा पुर्याउँदा पनि निको हुन नसकेपछि ज्यान गएको थियो ।
उनी जेठ २७ गते अछाम पुगेका थिए । उनलाई कैलाशेश्वर घट्टेखेती आधारभूत विद्यालयको क्वारेन्टिनमा राखिएको गाउँपालिकाले जनाएको थियो । उनी १४ दिन पछि कोरोनामुक्त भन्दै घर फर्केका थिए । स्वास्थ्य कार्यालय अछामका अनुसार घर गएको पाँच दिनमा उनको ज्यान गएको थियो ।
स्वास्थ्य कार्यालय अछामका सूचना अधिकारी देव जोशीका अनुसार असार ९ गते आरडीटी परीक्षण गर्दा रिपोर्ट नेगेटिभ आएको थियो । एक हप्ता घरमा सुरक्षित बस्न भन्दै उनलाई घर पठाइएको थियो ।
मृ त्युपछि उनको स्वाब संकलन गरी परीक्षणको लागि धनगढी पठाइएको थियो । तर रिपोर्ट नआउँदै शवको व्यवस्थना गरिएको थियो । योसँगै नेपालमा कोरोनाका कारण ३० जनाको ज्यान गएको छ ।
आजैमात्र थप ३१६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टा काठमाडौँ उत्यकामा अहिलेसम्मकै धेरै संक्रमित भेटिएका छन् ।
मन्त्रालयका प्रवक्ता डा. जागेश्वर गौतमका अनुसार काठमाडौंका १२ जना, भक्तपुरका १ र ललितपुरका १ जनामा कोरोना संक्रमण पुष्टि भएको छ । देशका विभिन्न प्रयोगशालामा गरिएको परीक्षणमा ७१ महिला र २४५ जनमा संक्रमण पुष्टि भएको हो ।
योसँगै नेपालमा नेपालमा संक्रमितको संख्या १३ हजार ५६४ पु्गेको छ । त्यस्तै पछिल्लो २४ घण्टामा थप ६० जनाले कोरोनासँग जितेर घर फर्केका छन् । जसमा जसमा ९ महिला र ५१ पुरुष गरी ६० जना रहेका छन् । अब निको हुनेको संख्या ३ हजार १९४ जना पुगेको छ ।
सरकारले पीसीआर परीक्षण बढाउने भनेपनि पहिले भन्दा घटेको छ । प्रवक्ता डा. गौतमका अनुसार पीसीआर विधिबाट पछिल्लो २४ घण्टामा ४ हजार ७ सय ११ जनाको कोरोना परीक्षण गरिएको छ । अहिलेसम्म पीसीआर विधिबाट २ लाख २८ हजार ३ सय ४१ जनाको परीक्षण भएको छ ।
- फाइल फोटो
