News Portal

  • सुदूरपश्चिम प्रदेशमा थप ६४ जनामा कोरोना, कुल संक्रमित २४२ पुगे

    डबली संवाददाता२०७७ जेठ ३२ गते
    २९९ पटक

    धनगढी । सुदूरपश्चिम प्रदेशमा थप ६४ जनामा कोरोना भाइरस संक्रमण भएको पुष्टि भएको छ । शनिबार साँझ सेती प्रादेशिक अस्पतालले सार्वजनिक गरेको विवरणअनुसार थप ६४ जनामा कोरोना संक्रमण पुष्टि भएको हो ।

    योसँगै सुदूरपश्चिम प्रदेशमा संक्रमित हुनेको संख्या २४२ पुगेको छ । नयाँ संक्रमितमा डडेल्धुराको नवदुर्गा गाउँपालिकामा एक महिलासहित २३ जना, कञ्चनपुरको लालझाडीमा दुई महिलासहित १४ जना, कैलालीको चुरे गाउँपालिकामा ५ जना, कञ्चनपुरको महाकाली नगरपालिकामा ३ पुरुष र पुनर्वास नगरपालिकामा २ पुरुषमा कोरोना संक्रमण भएको छ ।

    त्यसैगरी बझाङको बित्थड चीर गाउँपालिकामा एक महिलासहित २ जना, केदारश्यूं गाउँपालिकामा २ पुरुष, डडेल्धुारको अमरगढी नगरपालिकामा १ महिला, डोटीको जोरायल गाउँपालिकामा एक महिलासहित २ जना र सायल गाउँपालिकामा १ जना, धनगढी उपमहानगरपालिकाका दुई जना, गोदावरी नगरपालिकाका एक महिला सहित २ जना, लम्कीचुहा नगरपालिकाका एक पुरुष, टिकापुर नगरपालिकाका एक पुरुष, कञ्चनपुरको बेदकोपका एक महिला र कञ्चनपुरका १ पुरुषमा कोरोना पोजेटिभ देखिएको छ ।

    पछिल्लो २४ घण्टामा जाँच भएका दुई सय ७६ स्वावमध्ये ६४ जनामा कोरोना संक्रमण भेटिएको अस्पतालले जनाएको छ । शनिबार दिउँसो मात्रै स्वास्थ्य तथा जनसंख्या मन्त्रालयले देशभर थप २७३ जनामा कोरोना भाइरस (कोभिड(१९) को संक्रमण पुष्टि भएको जनाएको थियो । स्वास्थ्य तथा जनसंख्या मन्त्रालयका रौतहटमा ९२ जनामा संक्रमण देखिएको थियो ।

    त्यसैगरी सुर्खेतका ४०, दैलेखका ३०, कपिलवस्तुका २५, बाँकेका १८, रोल्पाका १७ र सर्लाहीका १३ जना,पर्सा र बर्दियामा ६–६ जना, झापा र रुपन्देहीमा ५–५ जना, मोरङ र पर्वतमा ४–४ जना, दाङ र गुल्मीमा २–२ जना, महोत्तरी, बारा, नवलपरासी १–१ जनामा संक्रमण पुष्टि भएको छ । सुदूरपश्चिका ६४ सहित देशभर संक्रमितको संख्या ५ हजार ३ सय ९९ जना पुगेको छ । त्यसैगरी शनिबार राति गुल्मीको धुर्कोट गाउँपालिकामा एकजना गरी ज्यान गुमाउनेको संख्या १९ पुगेको छ ।

    प्रतिकृया दिनुहोस्