काठमाडौँ । संविधान संशोधनको लागि संसदमा मतदान सुरु भएको छ । नयाँ नक्सासहितको निशान छाप बनाउन संविधान संशोधनको लागि मतदान हुन लागेको हो ।
यसअघि संविधान संशोधनको लागि भएको दफाबार छलफलमा सांसदहरु सहभागी भएका थिए । उनीहरु सबैले संशोधनको पक्षमा बोलेका थिए । अहिले हुन्छ भन्ने, हुन्न भन्ने र तटस्थ बस्ने सांसहरुको लागि मतादन गर्न सभामुखले अनुमति दिएका छन् ।
सबै दलका सांसदहरुले संविधान संशोधनका पक्षमा मतादन गरेपनि समाजवादी पार्टीकी सांसद सरिता गिरीले भने विपक्षमा मतादन गर्न लागेको बताइएको छ ।
पार्टीले लगाएको ह्वीपलाई अस्वीकार गर्ने बताउँदै आएकी गिरीले विपक्षमा मतदान गर्ने वा तटस्थ बस्ने भन्नेमा आफू निकटकाहरुसँग छलफल गरेकी थिइन् । उनले संविधनन संशोधनको पक्षमा मतदान गर्न नसक्ने बताएकी । मतदान सुरु हुनुपहिले नै संसद बैठकबाट गिरी बाहिरिए सकेकी छन् ।
