News Portal

आज मन्त्रिपरिषद् बैठक बस्दै, लकडाउन खुकुलो बनाउनेबारे निर्णय हुने

डबली संवाददाता२०७७ जेठ २८ गते
१२१ पटक

काठमाडौं । आज मन्त्रिपरिषद बैठक बस्दै छ । प्रधानमन्त्री केपी शर्मा ओलीले दिउँसो २ बजे मन्त्रिपरिषद बैठक बोलाएका छन् । जारी लकडाउनबारे छलफल गर्न बैठक बोलाइएको बालुवाटार स्रोतले बतायो ।

व्यापारीसँगै सर्वसाधारणले लकडाउनलाई उलंघन गर्ने चेतावनी दिइरहेको बेला सरकारले लकडाउनको आगामी रणनीतिका बारेमा छलफल गर्न लागेको हो । यसअघि जारी गरेको लकडाउन जेठ ३२ गतेसम्म रहने छ । त्यसपछि कस्तो मोडालिटीमा लकडाउन जारी गर्ने भन्नेमा सरकारले छलफल गरिरहेको छ ।

यसअघि प्रधानमन्त्री ओलीले विज्ञहरुसँग पटकपटक छलफल गरिसकेका छन् । खुकुलो बनाउनु पर्ने उनीहरुले सुझाव दिएका थिए ।

कोरोना भाइरस रोकथाम तथा नियन्त्रण उच्चस्तरीय समितिले ६ चरणमा गरी लकडाउनलाई खुकुलो बनाउँदै लिनुपर्ने कार्यविधि बनाएको छ ।

प्रतिकृया दिनुहोस्