काठमाडौं । कोरोना भाइरसका कारण नेपालका संक्रमित हुनेको संख्या ४ हजार नाघेको छ । स्वास्थ्य तथा जनसंख्या मन्त्रालयले पछिल्लो २४ घण्टामा थप ३२३ जनामा कोरोना भाइरस संक्रमण पुष्टि गरेसँगै यो संख्या पुगेको हो । संक्रमितको कुल संख्या ४ हजार ८५ पुगेको छ ।
मंगलबारसम्म आउँदा ७२ जिल्लामा कोरोना पुगेको छ । मन्त्रालयका अनुसार पहिलो पटक आज इमालमा पनि कोरोना संक्रमण भएको छ ।
मन्त्रालयका अनुसार महात्तेरीमा ५०, धनुषामा ४५, चितवनमा २४, रौतहटमा २१, रुपन्देहीमा २०, कञ्चनपुरमा १९, सर्लाहीमा १७, नवलपुरमा १५, सल्यान, नवलपरासी र सिराहामा १२–१२, बाग्लुङमा ११, कपिलवस्तु र दार्चुला १०–१०, बाँकेमा ९ जनामा संक्रमण भएको छ ।
त्यसैगरी डडेलधुरा र सप्तरीमा ७–७, दाङ ६, सुर्खेत ४, मोरङ ३ र जुम्ला र नुवाकोट २–२ जना, इलाम, सुनसरी, धादिङ, म्याग्दी र कैलालीमा एकएक जनामा संक्रमण पुष्टि भएको मन्त्रालयका प्रवक्ता प्रा. डा. जागेश्वर गौतमले जानकारी दिए ।
गौतमका अनुसार आइसोलेसनमा ३,४८७ रहेका छन् । मंगलबारसम्म ५८५ जना निको भएर घर फर्किएका छन् । कोरोनाका कारण चितवनमा व्यक्तिसहित मृत्यु हुनेको संख्या १५ पुगेको छ । त्यसैगरी क्वारेन्टिनमा १ लाख ७० हजार ७३२ रहेका छन् ।
