काठमाडौं । सर्केगाड गाउँपालिकाको समन्वयमा मिसन ईष्ट गैर सरकारी संस्थाको आर्थिक सहयोगमा गाउँपालिकामा कार्यरत किर्डाक नेपाल,महिला कल्याण सेवा, र हेड नेपालको संयुक्त सहकार्यमा राहत वितरण कार्य भइरहेको किर्डाक नेपालका कार्यकारी निर्देशकले जानकारी दिएका छन् ।
कोरोना भाइरसले विश्वको सामान्य जनजीवनलाई अस्तव्यस्त पारिरहँदा शहरहरुबाट धमाधम मानिसहरु गाउँ–गाउँ छिर्न थालेको र त्यहाँ कोरोनाको भन्दा भोकमरिको ज्यादा समस्या देखिन थालेको छ । यस अघि यिनै संस्थाहरुले स्वास्थ्य तथा सरसफाईका सामग्रीहरु सो गाउँपालिकामा वितरण गरेका थिए भने अहिले उनिहरुलाई खाद्यान्न वितरण गर्न लागेको निर्देशक शाहीले अनलाईन डबलीलाई बताए ।
उनका अनुसार गाउँपालिकाका ७ ओटै वडाहरुको सिफारिसमा २ सय ६८ घरधुरीलाई राहत वितरण कार्य जारि रहेको छ । राहत पाउनेमा अति विपन्न, अपाङ्ग र एकल महिलाहरु जो प्रत्येक वडाहरुले सिफारिस गरेका हुन् । वितरण कार्य जारिरहेको र आजसम्म करिब १ सय ५३ घरधुरीलाई दिईसकेको जनाएका छन् । वितरण शुरु गरिएको राहत प्याकेजमा १ बोरा चामल, २ किलो दाल, २ लिटर तेल र १ किलो चिनी रहेको वितरक संस्थाले अनलाइन डबलीलाई बताएका छन् ।
महिला कल्याणका कार्यक्रम व्यवस्थापक प्रेम बुढाले जानकारी दिएका छन् । राहत सर्केगाडका ८ वडाका तीन सय पचास घरधुरीमा वितरण गर्ने योजना रहेको कुरा बुढाले बताए । राहत वितरणमा ८ कर्मचारी र ११ स्वयमंसेवक गरि जम्मा १८ जना खटाइएको कुरा व्यवस्थापक बुढाले जानकारी दिएका छन् ।
