काठमाडौं । कोरोना भाइरसका कारण यूएईमा अलपत्र परेका १५७ जना नेपाली काठमाडौँ आइपुगेका छन् । एअर अरेबियाको उडान नम्बर जी नाइन १७५१ बाट उनीहरु त्रिभुवन अन्तर्राष्ट्रिय विमानस्थलमा भरखर ओर्लिएका छन् ।

यूएई सरकारले आफै जहाज चार्टड गरेर नेपालीलाई पठाएको हो । प्राथमिकताका आधारमा तयार गरिएको सूचीबाहेक आज आइपुगेका हुन् । उनीहरुलाई प्राविधिक कारण देखाउँदै यूएईमै रोकिएको छ ।

इजादा फ्यासिलिटी म्यानेजमेन्टमा कार्यरत ६७, टान्स गार्ड सेक्युरिटी कम्पनीमा कार्यरत ७९ जना र अन्य ११ गरी १ सय ५७ जना नेपाली नेपाल फर्किएको विमानस्थलले जनाएको छ ।

विदेशबाट ल्याउने नेपालको अनिवार्य कोरोना परीक्षण गरिनुपर्ने मापदण्ड बनाइएपनि आज आएका सबैको परीक्षण गरिएको छैन । उनीहरुलाई विमानस्थलबाट होल्डिङ सेन्टर राखेर स्वास्थ्य जाँच गरिनेछ । आजैमात्र म्यानमारबाट पनि २६ जना नेपाली स्वदेश फर्किएका छन् ।