News Portal

  • नेपालमा कोरोना संक्रमितको संख्या २९ सय नाघ्यो, शुक्रबार २७८ थपिए

    डबली संवाददाता२०७७ जेठ २३ गते
    २८९ पटक

    काठमाडौं । नेपालमा कोरोना भाइरसबाट सक्रमित हुनेको संख्या २९ नाघेको छ । शुक्रबार २ सय ७८ जना संक्रमित थपिएसँगै यो संख्या पुगेको हो ।

    स्‍वास्थ्य तथा जनसंख्या मन्त्रालयले दिएको जानकारीअनुसार शुक्रबार एकै दिन दैलेखमा ९१ जना, कपिलवस्तुमा ४४ जना, प्रदेश १ मा ३९ जनासहित २७८ जनामा कोरोना संक्रमण भएको पुष्टि भएको छ । योसँगै नेपालमा कुल संक्रमितको संख्या २९१३ पुगेको छ ।

    स्वास्थ्य मन्त्रालयका प्रवक्ता डा विकास देवकोटाले हालसम्म ३३३ जनाले कोरोनाभाइरसको संक्रमण जितेर घर फर्किएको जानकारी दिए । शुक्रबार धरानबाट ३ जना, कोशीबाट २७ जना तथा बाँकेबाट १३ जना डिस्चार्ज भएका छन् ।

    देवकोटाका अनुसार हालसम्म प्रदेश १ मा ७६, प्रदेश २ मा १२१, बागमती प्रदेशमा ३२, गण्डकी प्रदेशमा ३, प्रदेश ५ मा ९२, कर्णाली प्रदेशमा २ तथा सुदूरपश्चिम प्रदेशमा ७ जना कोरोना भाइरसको संक्रमणबाट मुक्त भएका हुन् ।

    प्रतिकृया दिनुहोस्