News Portal

  • जनयुद्धकी कुशल कमाण्डर बन्दनाको निधन 

    डबली संवाददाता
    ७६२ पटक

    काठमाडौं । विप्लव नेतृत्वको नेपाल कम्युनिस्ट पार्टीकी पूर्व केन्द्रीय सदस्य सबिता सिंह ‘बन्दना’को निधन भएको छ । सोही पार्टी निकट अखिल नेपाल किसान संघ क्रान्तिकारीकाे पूर्वकेन्द्रीय अध्यक्षको जिम्मेवारी समालिसकेकी बन्धनाको सोमबार साँझ निधन भएको नेकपाका केन्द्रीय सदस्य ओम प्रकाश पुनले जानकारी दिए ।

    लामो समयदेखि बाथ रोगबाट पीडित बन्दनाको उचारको क्रममा भारतकी दिल्लीमा निधन भएको हो । जाजरकोट स्थायी घर भएकी बन्दना सानै उमेरमा जनयुद्धमा सामेल भएकी थिइन् । जनयुद्धमा महिला नेतृकी रुपमा विभिन्‍न जिम्मेवारी समाल्दै आएकी थिइन् ।

    विद्रोही स्वाभावकी बन्दना महिला तथा वर्गीय मुक्तिको हरेक मोर्चामा सफल‍ हुँदै आएकी थिइन् । जनयुद्धकै क्रममा रामलाल विश्‍वकर्मासँग जनवादी विवाह गरेकी थिइन् ।

    सविताका बुवा पनि जनयद्धका सहिद हुन् ।

    राष्ट्रिय दलित आयाेगका पूर्वअध्यक्ष रामलाल नेकपा निकट दलित मुक्ति मोर्चा नेपालको महासचिव छन् । बन्दनाका एक छोरा छन् ।

    प्रतिकृया दिनुहोस्