News Portal

  • सुदूरपश्‍चिममा कोरोनाको दोस्रो छाल, तराईदेखि पहाडसम्म जोखिम

    डबली संवाददाता२०७७ जेठ ११ गते
    २५२ पटक

    धनगढी । सुदूपश्चिम प्रदेशमा कोरोना भाइरस फेरि देखिएको छ । पहिलो चरणमाका संक्रमित पाँचै जना निको भएर घर फर्किएपछि कोरोनामुक्त भएको सुदूरपश्चिममा फेरि संक्रमण देखिएको छ ।

    कोरोनामुक्त भएको केही हप्तापछि शुक्रबार पहिलो दोस्रो चरणको संक्रमण देखिएको थियो । एकै दिन जिल्लामा संक्रमण देखिएको थियो । कैलालीमा ३, बैतडीमा १ र डडेल्धुरामा १ गरी पाँच जनामा कोरोना संक्रमण भएको पुष्टि भएको थियो ।

    सेती अस्पतालमा उपचार गराइरहेका पाँचैजना घर फर्केसँगै खुशी भएका सुदूरपश्चिमबासी दोस्रो चरणको संक्रमण सुरु भएपछि त्रसित भएका छन् ।

    धनगढीस्थित प्रयोगशालामा भएको परिक्षण रिपार्ट अनुसार जानकी गाउँपालिका वडा ४ र ७ का १९, २३ र २६ वर्षीय युवक थिए । सोही दिन जिप्रका बैतडी सील बैतडी जिप्रकामा रहेको थुनुवामा कोरोना संक्रमण भएको पुष्टि भएको थियो । शिवनाथ गाउँपालिका १ का २२ वर्षीय युवमा कोरोना संक्रमण देखिएको थियो । उनी कर्तव्य ज्यान मुद्धामा प्रहरी कार्यालय बैतडीको हिरासतमा थिए । उनीमा नै संक्रमण पुष्टि भएपछि जिल्ला प्रहरी कार्यालय बैतडी सील गरिएको थियो । उनलाई प्रहरीले वैशाख १५ गते पक्राउ गरेको थियो । यसले सिंगो जिल्लाको प्रहरीलाई प्रभावित तुल्याएको छ ।

    त्यसैगरी सोही दिन संक्रमण पुष्टि भएका डडेल्धुराका पुरुष सरकारी कार्यालयका कर्मचारी हुन् । सरकारी कार्यालय भएकोले सेवाग्राहीदेखि सहकर्मीसम्म सम्पर्क हुने नै भयो ।

    शनिबारसम्म आउँदा बैतडीको शिवनाथ गाउँपालिकामा ४ गरी जिल्लामा संक्रमितको संख्या पाँच पुगेको छ ।

    प्रदेशमै नयाँ ९ संक्रमित नयाँ भेटिएका छन् । नयाँ सबै संक्रमित भारतबाट आएका र उनीहरको सम्पर्कमा रहेका व्यक्तिहरु भएको बताइएको छ । दिनदिनै नाकाबाट सयौं नागरिकहरु प्रदेशमा भित्रिरहेका छन् । प्रदेशका ९ वटै जिल्लामा भारतबाट मानिसहरु घर फर्किरहेका छन् ।

    कोरोनाबाट जोखिम मानिएका तराईका दुई जिल्ला कैलाली र कञ्चनपुरमा मात्रै होइन डडेल्धुरा र बैतडीसम्म पनि कोरोना पुगेको छ ।

    यसलाई सुदूरपश्चिमामा कोरोनाको दोस्रो छालको रुपमा लिइएको छ । पहिलाभन्दा यो शक्तिशाली हुने देखिएको छ । प्रहरी, सरकारी कार्यालय हुँदै तराई र पहाडमा एकै पटक संक्रमण देखिएको छ भने दिनदिनै भारतबाट सयौंको संख्यामा मानिसहरु घर फर्किरहेका छन् ।

    सीमा नाकामा उनीहरुको परीक्षण छैन । कैलालीको गौरीफन्टा, कञ्‍चनपुरको गड्डाचौकी, बैतडीको झुलागाड, दार्चुलाका विभिन्‍न प्रवेश नाकाबाट नेपालीहरु आइरहेका छन् । कोरोना नियन्त्रणको लागि महत्वपूर्ण सामाजिक दूरी कायम छैन । नाकामा सयौंको भिड छ । एकजना कोरोना संक्रमितले सयौंमा सर्ने खतरा छ ।

    गाउँमा पुग्दा राम्रो क्वारेन्टाइनको व्यवस्था छैन । त्यसैले मानिसहरु घरघर गइरहेका छन् । यसलाई रोक्न सकिएन भने सुदूरपश्चिममा आएको दोस्रो छाल डरलाग्दो हुने विज्ञहरुले बताएका छन् ।

    प्रतिकृया दिनुहोस्