News Portal

बाँकेको नरैनापुरमा फेरि २७ मा कोरोना संक्रमण, थपिए ३६ संक्रमित

डबली संवाददाता२०७७ जेठ १० गते
१६८ पटक

काठमाडौं । बाँकेको नरैनापुरमा एक दिन २७ जनामा कोरोना संक्रमण भएको पुष्टि भएको छ । शनिबार बाँके, सुर्खेत, बर्दिया, झापा र बैतडी गरी थप ३६ जनामा कोरोना संक्रमण भएको पुष्टि भएको हो ।

स्वस्थ्य तथा जनसंख्या मन्त्रालयका अनुसार बाँकेको नरैनापुरमा २७ जना, बैतडीमा ४ जना, बर्दियामा १ जना, झापामा १ जना र सुर्खेतमा ३ जनामा कोरोना संक्रमण पुष्टि भएको छ ।

मन्त्रालयका प्रवक्ता डा. विकास देवकोटाले बाँकेका संक्रमित सबै नरैनापुर गाउँपालिकाका, बैतडीको शिवनाथ गाउँपालिकामा, बर्दियाको बढैयाताल गाउँपालिकामा १ जना, झापाको झापा गाउँपालिकामा १ जना संक्रमित भेटिएका जानकारी दिए ।

शनिबार विहान देशभर गरी ३२ जनामा कोरोना संक्रमण पुष्टि भएको थियो । आज ६८ जनामा कोरोना संक्रमण भएको पुष्टि भएको छ ।
योसँगै संक्रमितको संख्या ५सय ८४ पुगेको छ ।

प्रतिकृया दिनुहोस्