सुर्खेत । एकै दिन सुर्खेतमा ३ जनामा कोरोना भाइरस संक्रम भएको पुष्टि भएको छ । प्रदेश अस्पताल सुर्खेतका मेडिकल सुपरिटेन्डेन्ट डाक्टर डम्बर खड्काका अनुसार शनिबार तीन जनामा कोरोना संक्रमण पुष्टि भएको छ ।

प्रदेश अस्पताल सुर्खेतमा पीसीआर परीक्षण गर्दा तीन जनाको रिपोर्टमा कोरोना पोजेटिभ देखिएपछि थप परीक्षणका लागि नेपालगन्ज पठाइएको थियो । नेपालगंजस्थित भेरी अस्पतामा गरिएको परीक्षणको रिपोर्ट पनि पोजेटिभ आएको हो ।

संक्रमितमा सुर्खेत बराहताल गाउँपालिकाका २ जना र चौकुने गाउँपालिकाका १ जना रहेका छन् । उनीहरुलाई प्रदेश अस्पताल सुर्खेतको आइसोलेसन कक्षमा राखिएको छ ।

योसँगै कर्णाली प्रदेशमा संक्रमितको संख्या ४ पुगेको छ ।

यसअघि दैलेखको आठविस नगरपालिकाका एक जनालाई पनि कोरोना संक्रमण पुष्टि भएको थियो ।