काठमाडौं । कोरोना संक्रमणका कारण मृत्यु भएकी महिलाको शिशु कोरोनाबाट मुक्त रहेको पुष्टि भएको छ । नवजात शिशुसँगै श्रीमानसहित परिवारका अन्य पाँच सदस्यको पनि रिपोर्ट नेगेटिभ आएको छ ।
धुलिखेल अस्पतालका प्रबक्ता सुमनराज ताम्राकारका अनुसार सिन्धुपाल्चोकको बाह्रबिसेकी २९ वर्षीय महिलाको नवजात शिशुसहित परिवारका पाँच जनाको स्वाब धुलिखेल अस्पतालको प्रयोगशालामा पिसीआर विधिबाट परीक्षण गरिएको थियो ।
वैशाख २४ गते त्रिवि शिक्षण अस्पतालमा छोरा जन्माएकी महिलाको कोरोनाबाट विहीबार मृत्यु भएको थियो । उनको मृत्युपछि नवजात शिशु र परिवारको अन्य सदस्यहरुमा कोरोना संक्रमणको आशंका गरिएको थियो ।
