नेपालगंज । बाँकेमा एकजनाको कोरोनाभाइरसका कारण मृत्यु भएको छ । आइताबार विहान क्वारेन्टाइमै मृत्यु भएका युवामा कोराना भाइरस संक्रमण भएको पुष्टि भएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले बताए ।
क्वारेन्टाइनमा एकाएक मृत्यु ती युवाको मृत्यु भएपछि स्वाब परीक्षणको पठाइएको थियो ।
भेरी अस्पताल नेपालगंजमा गरिएको पिसीआर विधिबाट गरिएको परीक्षणमा उनमा कोरोना संक्रमण भएको पुष्टि भएको थियो ।
ती २५ वर्षीय युवा बैशाख ३० गते मात्रै भारतको मुम्बईबाट बाँके पुगेका थिए । त्यसपछि उनलाई बाँकेको नरैनापुरको दीपेन्द्र मावि भोजभगवानपुरको क्वारेन्टाइनमा राखिएको थियो ।
योसँगै नेपालमा कोरोनाबाट मृत्यु हुनेको संख्या दुई पुगेको छ ।
हिजोमात्रै सिन्धुपाल्चोककी २९ वर्षीय महिलाको कोरोनाबाट मृत्यु भएको थियो ।
