काठमाडौँ । जारी लकडाउन पुनः थप हुने भएको छ । पछिल्ला दिनहरुमा कोरोनाको संक्रमण फैलिहरको र जोखिम अझै बढेको भन्दै जारी लकडाउन थप हुने निश्चित भएको छ ।
लकडाउनलाई खुकुलो बनाएकै कारण कोरोना फैलिएको भन्दै सरकारको आलोचना भइरहेको छ । जारी लकडाउनलाई झन कडाइको साथ कार्यान्वयन गर्ने सरकार निष्कर्षमा पुगेको एक मन्त्रीले बताए ।
प्रधानमन्त्री केपी शर्मा ओलीले लकडाउनबारे निर्णय गर्न आज साँझ पाँच बजे मन्त्रिपरिषद बैठक बोलाएका छन् । त्यो भन्दा पहिला कोरोना सम्बन्धी उच्च स्तरीय समन्वय समितिको बैठक पनि बस्दैछ ।
समितिले लकडाउनका मोडालिटीबारे छलफल गर्ने सरकारलाई सिफारिस गर्ने बताइएको छ । तर यसअघि पनि समितिले दिएको सुझावलाई प्रधानमन्त्री ओलीले नमानेपछि यथास्थितिमै थप भएको थियो ।
लकडाउन थप हुने पक्का भएपनि एकै पटक दुई हप्ता थप गर्ने की एक हप्ता भन्नेमा पनि छलफल भइरहेको छ ।
यसअघि थप भएको लकडाउनका अवधि भोलि सकिँदैछ ।
