काठमाडौँ । नेपाल कम्युनिस्ट पार्टीले काठमाडौँसहित देशभर भारतीय प्रधानमन्त्री नरेन्द्र मोदीको पुत्ला जलाएको छ । विप्लव नेतृत्वको नेकपाले घोषणा गरेको केन्द्रीय कार्यक्रमअनुसार देशभर नेताकार्यकर्ताहरुले एकैसाथ मोदीको पुत्ला जलाएको हो ।
काठमाडौँका गोकर्णेश्वरको जोरपाटिचोक, बाहुनधारा नयाँबस्ती र पधेरो पाखा, तार्केस्वर नगरपालिकाको तार्केस्वर भ्यु टावर, किर्तिपुर, सतुङलसहित ललितपुर भक्तपुरमा पनि पुत्ला जलाइएको नेकपाले जानकारी दिएको छ ।
त्यसैगरी कैलाली, कालिकोट, दैलेख, अछाम, कञ्चनपुर, बर्दिया, सुर्खेत, सिन्धुली, नवलराी, कपिलबस्तुसहित अधिकांश जिल्लाहरुमा नेकपाले मोदीको पुत्ला जलाएभको छ ।
त्यसैगरी नेपकपा निकट अखिल क्रान्तिकारीले पनि नेपालीभूमिमाथि हस्तक्षेप गरिएको भन्दै संघर्षक कार्यक्र घोषणा गरेको छ । सोही कार्यक्रमअनुसार त्रिभुवन विश्वविद्यालयसहित अधिकांश अगाडि क्याम्पस अगाडि विरोध प्रदर्शन गर्नुको साथै, भारतीय प्रधानमन्त्रीको पुत्ला जलाएको छ ।
मोदीको पुत्ला जलाउँदै नेकपाका कार्यकर्ता तथा समर्थकहरुले सरकारले पनि नेपलाीभूमि मिचेर सडक बनाउँदा समेत मुख दर्शक भएको भन्दै नाराबाजी गरेका थिए ।
