काठमाडौं । बेलायतमा अर्का एक नेपालीको कोरोनाबाट मृत्यु भएको छ । लामो समयदेखि बेलायतमा व्यवसायसँगै सामाज सेवा गर्दै आएका नारायण कोन्मे गुरूङको मृत्यु भएको छ । एक हप्ता पहिलेदेखि बिरामी भएका गुरुङको सोमबार ननिटनको जर्ज इलियट अस्पताल मृत्यु भएको हो ।
पर्वत चारभञ्याङका गुरुङ गोरखा सैनिकमा भर्ती भएका थिए । पछि बीचैमा जागिर छाडेर नेपाल फर्कएका थिए । पछि पुनः बेलायत गएरु व्यवायसँगै समाजसेवीमा लागेका थिए ।
गुरुङका श्रीमती, एक छोरी र दुई छोरासहित बेलायतको ननिटनमा बस्दै आएका छन् । तर गुरुङ अल्टरसटमा बस्दै आइरहेका थिए ।
गुरुङसँगै हालसम्म बेलायतमा कोरोनाका कारण ३५ नेपालीको मृत्यु भइसकेको छ ।
