काठमाडौँ । कोरोना भाइरसको संक्रमणबाट संक्रमित र ज्यान गुमाउनको संख्या कल्पना गरेभन्दा तीब्र गतिमा बढेको छ । शनिबार राति १० बजेसम्म आइपुग्दा विशवभर कोरोनाका कारण २ लाख ४१ हजारको मृत्यु भइसकेको छ ।
त्यस्तै ३४ लाख ३२ हजार ३६६ जना संक्रमित भएका छन् ।
कोरोनाबाट अमेरिकामा सबैभन्दा बढीको मृत्यु भएको छ । अमेरिकामा मृत्यु हुनेको संख्या ६६ हजार नाघेको छ भने संक्रमितको संख्या साढे ११ लाख नजिक पुगेको छ ।
त्यसैगरी दोस्रोमा इटलीमा मृत्यु हुनेके संख्या २८ हजार नाघेको छ । त्यस्तै संक्रमितको संख्या पनि २ लाख नाघेको छ । त्यस्तै बेलायतमा मृत्यु हुनेको संख्या २८ हजार नजिक पुगेको छ भने संक्रमितको संख्या १ लाख ७८ हजार पुगेको छ ।
स्पेनमा पनि मृत्यु हुनको संख्यामा वृद्धि भइरहेको छ । २५ हजारले ज्यान गुमाउँदा २ लाख ४६ हजार संक्रमित छन् । फ्रान्समा मृत्यु हुनको संख्या २५ हजार नजिक पुग्दा जर्मनीमा भने नियन्त्रणमा आउन थालेको छ । अहिलेसम्म जर्मनमा ६ हजार ७३६ को मृत्यु भएको छ । जर्मनीमा निको हुनेको संख्या यूरोपका अन्य देशमा भन्दा बढी छ । संक्रमितको संख्या १ लाख ६४ हजार बढी हुँदा निको हुनोको संख्या १ लाख २९ हजार पुगेको छ ।
त्यस्तै पछिल्ला पटक रुसमा संक्रमितको संख्या बृद्धि भइरहेको छ । अहिलेसम्म रुसमा संक्रमितको संख्या १ लाख २४ हजार नाघेको छ भने मृत्यु १ हजार २२२ रहेको छ । रुसी अधिकारीहरुले संक्रमण तीब्र भएको बताउँदै समयमै उपचार भएकोले धेरैको ज्यान जान रोकिएको बताएका छनु ।
नेपालको छिमेकी भारतमा संक्रमितको संख्या ३८ हजार पुगेको छ भने मृत्यु हुनेको संख्या १ हजार २२३ जनाको मृत्यु भएको छ
नेपालमा आज नयाँ कोरोना संक्रमित भेटिएका छैनन् । हिजो दुई जना गरी ५९ जनामा कोरोना संक्रमण भएको पष्टि भएको छ । जसमा १६ जना निको भएर घर फर्किसकेका छन् । संक्रमित सबैको अवस्था सामान्य रहेको छ ।
