News Portal

  • विश्व स्वास्थ्य संगठनले भन्यो–कोरोना चीनले उत्पति गराएको होइन, प्राकृतिक रुपमै

    डबली संवाददाता२०७७ बैशाख २० गते
    ४०० पटक

    काठमाडौं । विश्व स्वास्थ्य संगठन (डब्लुएचओ) ले कोरोना भाइरस चीनले उत्पति नगराएको बताएको छ । उसले कोरोनाको उत्पति प्राकृतिक रुपमा भएको जनाएको छ ।

    अमेरिकी राष्ट्रपति डोनाल्ड ट्रम्पले चीनले कोरोना पैदा गराएको दाबी गरेको केही घण्टाभित्रै डब्लुएचओका कार्यकारी निर्देशक माइकल रायनले सो बताएका हुन् । उनले भाइरसको आनुवंशिक अनुक्रम जाँच गरिरहेका वैज्ञानिकहरुले उक्त भाइरसको उत्पति प्राकृतिक रुपमै भएको पुष्टि गरेको रायनले बताए ।

    गत महिना डब्लुएचओले नै कोरोना भाइरस जनावरहरुबाट फैलिएको हुनसक्ने आंकलन गर्दै घरपालुवा जनावरको मासु आयात निर्यातमा रोक लगाउनुपर्ने जनाएको थियो ।

    अमेरिकाले कोरोना चीनले उत्पति गरेको आरोप लगाएपछि डब्लुएचओले भाइरसको उत्पतिका बारेमा अनुसन्धान गरिरहेको बताएको थियो । अमेरिकाले आफ्नो आरोपलाई साथ नदिएको भन्दै डब्युएचओलाई दिँदै आएको सहयोग रोक्का गरिसकेको छ ।

    प्रतिकृया दिनुहोस्