काठमाडौँ । अमेरिकी राष्ट्रपति डोनाल्ड ट्रम्पले कोरोनाभाइरस चीनले जानीजानी पैदा गरेको आरोप लगाएका छन् । उनले आफ्नै गुप्तचर निकायको एजेन्सीको रिपोर्टको विरोधमा बोल्दै सो आरोप लागएका हुन् ।
अमेरिकी गुप्चार निकायले कोरोनाभाइरस जानीजानी पैदा नगरेको रिपोर्ट तयार गरेका छन् । तर ट्रम्पले भने चीनले वुहानको एक प्रयोगशालामा जानीजाी कोरोना पैदा गरेको आरोप लगाउँदै आएका छन् ।
दुई पहिले मात्रै ट्रम्पले आफूलाई फेरि राष्ट्रपति हुन नदिन चीनले अमेरिकामा कोरोना फैलाएको आरोप लगाएका थिए । बिहिबार ह्वाइट हाउसमा आयोजित पत्रकार सम्मेलनमा ट्रम्पले कोरोनाभाइरस वुहान इन्स्टिच्युट अफ भाइरोलोजीमा पैदा गरिएको बताए ।
पत्रकारको प्रश्नको जवाफ ट्रम्पले आफूसँग त्यसको प्रमाण भएको दाबी गर्दै भने, “पक्कै पनि, मसँग छ । मलाई लाग्छ कि विश्व स्वास्थ्य संगठनले चीनको प्रचार–प्रसारको जुन काम गरिरहेको छ, त्यसमा लाज लाग्नुपर्ने हो । डब्ल्यूएचओ चीनको जनसम्पर्कको रुपमा काम गरिरहेको छ ।”
ट्रम्पले चीनभित्रभ आवातजावतमा रोक लगाएको तर विश्वभर यात्रा गर्न छुट दिइएको बताउँदै यो आफूले राम्रोसँग बुझेको बताए ।
