News Portal

बालुबाटारमा खाली कागजमा सांसदको हस्ताक्षर जारी राखेर प्रधानमन्त्री संसद भवनमा

डबली संवाददाता२०७७ बैशाख १७ गते ।
६५१ पटक

काठमाडौं । प्रधानमन्त्री केपी शर्मा ओलीले बुधबार संसद भवनको भवनको अवलोकन गरेका छन् । दोस्रो पटक मिर्गौला प्रत्यारोपणपछि पहिलो पटक ओली संसद भवन पुगेका हुन् ।

बजेट अधिवेशनको आह्वान गर्ने तयारी भइरहेको बेला ओली पुगे अवलोकन गरेका छन् । कोरोनाका कारण सामाजिक दूरी कायम गरी बजेट अधिवेशन बोलाउने सरकारको तयारी छ ।

बजेट अधिवेशनबारे सभामुख अग्निप सापकोटासँग छलफल गरेका प्रधानमन्त्री सँगै संसद भवन पुगको थिए । संसद सचिवालयले गरेको सामाजिक दुरी कायम गरेर बैठक बसाल्ने तयारी गरेको छ ।

संविधानअनुसार जेठ १५ गते बजेट ल्याउनुपर्ने हुन्छ । त्यसैको तयारीमा अर्थ मन्त्रालय जुटेको छ ।

पार्टीभित्रको अन्तरविरोध चर्कदै जाँदा ओलीले आफ्नो पक्षमा बालुबाटारमा सांसदहरुको हस्ताक्षर जारी रहेकै बेला प्रधानमन्त्री केपी शर्मा संसद भवन पुगेका थिए ।

प्रतिकृया दिनुहोस्