News Portal

कोरोनाबाट विश्वमा दुई लाख १८ हजारभन्दा बढीको मृत्यु, अमेरिकामा ६० हजार नजिक

डबली संवाददाता०७७ बैशाख १७ गते
३२७ पटक

काठमाडौं । कोरोना भाइरसका कारण विश्वभर मृत्यु हुनेको संख्या दुई लाख १८ हजार नाघेको छ । त्यसैगरी संक्रमितको संख्या ३१ लाख नाघेको छ ।
अमेरिकामा मृत्यु हुनेको संख्या ६० हजार नजिक पुगेको छ । यो संख्या कुल मृत्युको एक तिहाई हो । बुधबार दिउसोसम्म आउँदा अमेरिकामा ५९ हजार ५ सयको मृत्यु भएको अन्तर्राष्ट्रिय संचारमाध्यमहरुले बताएका छन् । त्यस्तै संक्रमितको संख्या १० लाख ३६ हजार नाघेको छ ।
पछिल्ला विवरणहरुले स्पेन र इटलीमा मृत्युदर घटेको देखाएको छ । इटालीमा मृतकको संख्या २७ हजार ३ सय ५९ पुगेको छ भने २ लाख १ हजार ५ सय ५ संक्रमित छन् ।
त्यस्तै स्पेनमा २३ हजार ८ सय २२ जनाको मृत्यु भएको छ । त्यहाँ २ लाख ३२ हजार १ सय २८ जना संक्रमित भएका छन् ।
फ्रान्समा १ लाख ६५ हजार ९ सय ११ जना संक्रमित छन् भने २३ हजार ६ सय ६० जनाकोे मृत्यु भएको छ । जर्मनीमा १ लाख ५९ हजार ९ सय १२ जना संक्रमित भएका छन् । मृतकको संख्या ६ हजार ३ सय १४ पुगेको छ ।
बेलायतमा मृत्यु हुनेको संख्या २१ हजार ६ सय ७८ जनाको मृत्यु भएको छ भने १ लाख ६१ हजार १ सय ४५ जना संक्रमित भएका छन् ।
नेपालको छिमेकी भारतमा १ हजार ८ जनाको मृत्यु भएको छ भने ३१ हजार ३ सय ६० जना संक्रमितको संख्या पुगेको छ ।
त्यसैगरी पाकिस्तानमा संक्रमितको संख्या १४ हजार ६ सय १२ पुग्दा ३ सय १२ जनाको मृत्यु भएको कोरोना लाइभ अपडेट गरिरहेका विभिन्न साइटहरुले विवरण सार्वजनिक गरेका छन् ।

प्रतिकृया दिनुहोस्