काठमाडौं । कोरोनाभइरसका बिरामीको उपचारको क्रममा मृत्यु भएका चिकित्सकलाई चीनले सहिद घोषणा गरेको छ । कोरोनाभाइरसको उद्गमविन्दु चीनको हुबेई प्रान्तको वुहानमा उपचारको क्रममा डा. ली वेनलियाङको मृत्यु भएको थियो ।
चीनले डा. लीसँगै उपचारमा खटिएर मृत्यु भएका अन्य १२ जनालाई पनि सहिद घोषणा गरेको छ । डा. लीले कोरोनाले महामारीको रुप लिन सक्ने भन्दै चेतावनी दिएका थिए । बिरामीको उपचारमा खटिएका लीको गत फेब्रुअरीमा मृत्यु भएको थियो ।
डा. लीको विश्लेषण सही साबित भएपछि चीनले उनलाई राष्ट्रिय सम्मान लिएको बताइएको छ ।
चीनले डा. लिसहित कोरोनाबाट मृत्यु भएका सबै नागरिकको सम्झानामा आज राष्ट्रिय शोक मनाइरहेको छ । तीन मिनेट मौनधारणसँगै गाडी र डुंगाचालकहरूलाई आफ्नो सवारीको हर्न बजाउन आग्रह गरिएको छ ।
वर्षभरि ज्यान गुमाउनेको सम्झना गरिने चिनियाँ पर्व चिङमिङको अवसर पारेर शोक मनाउन लागिएको हो ।
शोकसभाकै क्रममा चीनभित्र र उसका कूटनीतिक नियोगहरूमा चिनियाँ झन्डा आधा झुकाइने छ ।
