कालिकोट । जिल्लाको सान्नी त्रिवेणी गाउँपालिकाले चैते दशैंको अबसरमा चामल बितरण गरेको छ । चमल नभएर दशैं मनाउन समस्या भएका १ सय ६० घरधुरीलाई चामल बितरण गर्न लागिएको गाउँपालिका अध्यक्ष डम्बरबहादुर शाहीले जानकारी दिए ।
कोरोनाभाइरसको रोकथाम तथा नियन्त्रणको कामसँगै चैते दशैं मनाउन समस्या भएका बिपन्न परिवारलाई (आज) बुधबार चामल बितरण सुरु गरिएको छ ।
आज वडा नम्बर १ का अध्यक्षले भरत बिकले बितरण गरेका छन् भने बाँकी वडाहरुमा भोलि बाड्ने तयारी भइरहेको अध्यक्ष शाहीले जानकारी दिए । ”घरमा चामल नभएकै कारण चैते दशैं खल्लो नहोस् भनेर हामीले सबै वडाका अति बिपन्न तथा घरमा चामल नभएका घरपरिवारलाई एक बोरा चामल र एक पोका तेल बितरण गर्न लागेका छौं” अध्यक्ष शाहीले अनलाइन डबलीसँग भने ।
सबै वडामा बाड्ने चामल र तेल पुगिसकेको जानकारी गराउँदै अध्यक्षले शाहीले भोलि दिउँसोसम्म सबैलाई बाडिसक्ने बताए ।
