काठमाडौँ । विश्वमा महामारीको रुप लिएको कोरोनाभाइरस नियन्त्रण हुनुको साटो तीब्र रुपमा फैलिरहेको छ । यूरोप केन्द्र बनाएको कोरोनाबाट यो समाचार तयार पार्दासम्म मृत्यु हुनेको संख्या ३४ हजार पुगेका छ ।
त्यसैगरी संक्रमितको संख्या पनि हिजोभन्दा झनै बढेको छ । साढे ७ लाख नजिक संक्रमित संख्या पुगेको छ । सबैभन्दा बढी संक्रमित अमेरिकामा नै छन् । त्यहाँ साढे एक लाख संक्रमित छन् । अमेरिकामा मृत्यु हुनेको संख्या २४ सय ८९ पुगेको छ ।
सबैभन्दा बढी मृत्यु हुनेमा इटली नै पहिलो नम्बरमा छ । त्यहाँ १० हजार ७७९ जनाले कोरोनाभाइरसको संक्रमणबाट ज्यान गुमाइसकेका छन् भने ९७ हजार ६ सय ८९ जना संक्रमित छन् ।
त्यसैगरी मृत्यु हुनेको दोस्रो स्पेन रहेको छ । त्यहाँ ६ हजार ८ सय ३ जना नागरिकको ज्यान गईसकेको छ भने ८० हजार ११० जना संक्रमित छन् । यतिमा १४ हजारलाई मात्र सन्चो भएको छ । चीनमा पनि केही नयाँ केस थपिएका छन् । चीनमा अहिलेसम्म ३ हजार ३०४ जनाले ज्यान गुमाएका छन् । ८१ हजार ४ सय ७० जना संक्रमितमा ७५ हजार ७ सय जनालाई सन्चो भइसकेको छ ।
त्यसैगरी इरानभन्दा फ्रान्त अगाडि आएको छ । अहिलेसम्म फ्रान्समा २ हजार ६०६ जनाको मृत्यु भइसकेको छ भने अफै ४० हजार १७५ जना संक्रमित छन् । त्यसपछि इरान छ, त्यहाँ अहिलेसम्म २ हजार ६ सय ४० जनाको ज्यान गईसकेको छ । यो विवरणअनुसार इरानले पछिल्लो पटक निकै नियन्त्रण गरेको छ । सुरुमा निकै गतिमा फैलिरहेको कोरोना अहिले पनि नियन्त्रणमा आएको बताइएको छ ।
त्यस्तै बेलायतमा १ हजार २ सय २८ जनाको ज्यान गइसकेको छ भने १९ हजार ५२२ जना संक्रमित छन् । जर्मनीमा ५ सय ४१ जनाको ज्यान गईसकेको छ भने ६२ हजार ४ सय ३५ जना संक्रमित छन् ।
