News Portal

  • लकडाउनको सातौं दिनः विहानै ७५० जनालाई दुई घण्टासम्म प्रहरीको प्रशिक्षण, ७९ वटा मोटरसाइकल नियन्त्रणमा

    २४२ पटक

    काठमाडौं । आज चैत्र १७ गते । कोरोनाभाइरस रोकथाम र नियन्त्रणको लागि लकगाउन घोषणा गरेको सातौं दिन पुग्यो । आजसम्म आइपुग्दा मानिसहरु विना काम सडकमा बढी निस्कन थालेका छन् ।

    आज विहानै बिना काम सडकमा निस्केका मानिसहरुलाई प्रहरीले नियन्त्रणमा लिएको छ । राजधानीसहित देशका विभिन्न स्थानहरुमा मानिसहरु पहिले दिनको तुलनामा आज मानिसहरु बढी घर बाहिर निस्केका छन् ।

    प्रहरीले विहानै ७ सय ५० जनालाई नियन्त्रणमा लिएको छ । सुरुका दिनमा केही सजाय दिएपछि चौतर्फी विरोध भएपछि प्रहरीले कोरोनाबारे प्रशिक्षण दिएर फिर्ता पठाएको छ । उनीहरुलाई कम्तिमा पनि दुई घण्टा सडकमै उभ्याइएको थियो ।

    त्यसैगरी प्रहरीले ७९ वटा मोटरसाइकललाई पनि नियन्त्रणमा लिएको छ । त्यसैगरी ५ वटा चारपांग्रे सवारी साधन पनि प्रहरीले नियन्त्रणमा लिएको छ ।

    प्रहरीका अनुसार सबैभन्दा लकडाउनलाई उलंघन गर्ने काठमाडौंमा भेटिएका छन् । प्रहरीले पाँच सय ६० पुरुष र ९४ महिला गरी छ सय ५४ जना, ललितपुरबाट ५९ पुरुष र नौ महिला गरी ६८ जना र भक्तपुरबाट १८ जनालाई नियन्त्रणमा लिएर कोरोनाबारे प्रशिक्षण दिइएको छ । त्यसैगरी अन्य ठाउँबाटल पनि केही व्यक्तिहरुलाई नियन्त्रणमा लिइएको छ ।

    प्रतिकृया दिनुहोस्