News Portal

  • चीनले भन्यो- कोरोनासँग लड्न नेपाललाई साथ दिन्छौं, चिन्ता नलिनुस्

    १५४० पटक

    काठमाडौँ । चीनले कोरोनाभइरससँग लड्न नेपालको साथमा रहेको बताएको छ । लकडाउनको पहिलो दिन मंगलबार नेपालस्थित चिनियाँ राजदूत होउ यान्छीले नेपाललाई सहयोग गर्ने तयारी भइरहेको समेत बताएकी छन् ।

    यान्छीले सामाजिक संजालमार्फत स्वास्थ्य सामाग्री सहयोग गर्ने तयारी भइरहेको बताइन् । उनले नेपालको लागि चीनले प्रार्थना गरिरहेको समेत बतइन् ।

    “हामी नेपालका लागि प्रार्थना गर्दैछौँ । हाम्रा नेपाली साथीहरूलाई सहयोग र्पुयाउन चिकित्सा सामग्रीहरू ककेसम्म मिलाउँदै छौँ । हामी साथमा छौँ !” यान्छीले ट्यूटरमा भनेकी छन् ।

    कोरोनासँगको लडाइँमा सफल भएको चीनको आश्वासनले नेपाली जनतालाई राहतको महशुस भएको छ ।

    यसअघि चिनियाँ राजदूत यान्छीले नेपाललाई मास्क आवश्यक भएको भए सहयोग गर्न चीन तयार रहेको समेत बताएकी थिइन् ।
    यसअघि पनि नेपाललाई सहयोगका लागि तयार रहेको जनाएको चीनले सोमबार पुनः वचन दोहोर्याएको हो । चीनले नेपाललाई भूकम्प र नाकाबन्दीको बेलामा पनि सहयोग गरेको थियो ।

    चीनमा कोरोनाको महामारी फैलिरहेको बेला नेपालले चीनलाई एक लाख थान मेडिकल मास्क सहयोग गरेको थियो भने नागरिकस्तरबाट साथ रहेको थियो ।

    प्रतिकृया दिनुहोस्