गोरखा । जिल्लामा जीप दुर्घटना हुँदा चालकसहित १० जना घाइते भएका छन् । गोरखाको बारपाक बारपाक सोलिकोट गाउँपलिका–४, सौरपानीबाट गोरखाबजारतर्फ आइरहेको जीप मंगलबार विहान दुर्घटना भएको हो । बा १५ च १०१६ नम्बरको जिप ७ः१० बजे केउरामा दुर्घटना भएको स्थानीयले बताएका छन् ।

गोरखा प्रहरीका अनुसार दुर्घटनामा परी विमला गुरुङ, रमा गुरुङ, बुद्धबहादुर गुरुङ, श्रीमान् गुरुड, क्षेत्रकुमारी गुरुङ, टेकमाया गुरुङ र उनकी ६ वर्षीया छोरी सुनीता, सुकमाया गुरुङ, विनोद गुरुङ, राजकुमारी गुरुङ र चालक आनन्दकुमार गुरुङ पनि घाइते भएका छन् । उनीहरु सबै घाइते सबै रञ्चोका भएको प्रहरीले बताएको छ ।

घाइतेमध्ये विमला, रमा, क्षेत्रकमारी र सुकमायाको अवस्था गम्भीर रहेको छ । उनीहरुलाई थप उपचारको काठमाडौं लगिएको छ ।

प्रहरीले गरेको प्रारम्भीक अध्ययनअनुसार जीपको ब्रेक फेल हुँदा जीप दुर्घटना भएको थियो ।