काठमाडौं । ट्राफिक प्रहरीलाई आर्थिक प्रलोधनमा पार्न खोज्ने एकजना पक्राउ परेका छन् ।
कलंकी चोकमा डिउटीमा खटिएका ट्राफिक प्रहरीले सवारीसाधन चेकजाँच गर्ने क्रममा कालीमाटीवाट कलंकी आउँदै गरेको बा ५ च ९०५१ नम्बरको कारका चालक विनोद श्रेष्ठले ट्राफिक प्रहरीलाई घुस दिन खोज्दा पक्राउ परेका हुन् । श्रेष्ठ चन्द्रागिरी नगरपालिकाका बासिन्दा रहेको ट्राफिक प्रहरीले जनाएको छ ।
श्रेष्ठले आइतबार राति मादक पदार्थ सेवन गरी सवारी चलाएका थिए । उनले ५ हजार रुपैयाँ दिएर कारवाहीबाट बच्ने प्रयास गरेका थिए ।
डिउटीमा खटिएका ट्राफिक प्रहरीले चालकलाई सवारी साधनसहित पक्राउ गरेको थियो । श्रेष्ठलाई महानगरीय प्रहरी वृत्त,कालिमाटीमा बुझाएको महानगरीय ट्राफिक प्रहरी महाशाखाले जनाएको छ ।
