News Portal

  • नेकपाले विप्लवको सहभागीतामा २५ औं जनयुद्ध दिवस मनाउँदै

    १४७८ पटक

    काठमाडौँ । नेपाल कम्युनिस्ट पार्टीले साताव्यापी जनयुद्ध दिवस मनाउने तयारीमा जुटेको छ । विप्लव नेतृत्वको नेकपाले फागुन १ गते देशव्यापी जनप्रदर्शन गर्ने यसअघि नै बताइसकेको छ ।

    देशका मुख्य शहरमा जनसभामाको तयारी नेकपाले गरिरहेको छ । त्यस्तै फागुन २, ३ र ४ गते विभिन्न रचनात्मक कार्यक्रमहरू गर्ने, फागुन ५ गते भने देशव्यापी रूपमा साहित्यिक कार्यक्रमहरू गरेर २५ औं जनयुद्ध दिवस मनाउने नेकपाले जनाएको छ ।

    जनयुद्ध दिवसको कार्यक्रमअन्तर्गत नेकपाले फागुन १० गते भारतले कब्जा गरेको भूमि फिर्ता गर्न र एमसीसी सम्झौता खारेज गर्न माग गर्दै देशव्यापी जनप्रदर्शन गर्ने बताएको छ ।

    त्यसैगरी जिल्लाहरुले जनयुद्धका सहिद, बेपत्ता परिवारलाई सम्मान र भेटघाट तथा अन्तरक्रिया, जनयुद्धका घाइते योद्धाहरुलाई सम्मान गर्ने कार्यक्रम समेत रहेको बताइएको छ । अमेरिकाले अगाडि सारेको एमसीसी र नेपालका कालापानी, लिपुलेक, लिम्पियाधुरामाथिको भारतीय हस्तक्षेपविरुद्ध विविध कार्यक्रम गर्न लागेको नेकपाले स्रोतले बताएको छ ।

    २०५२ साल फागुन १ गते जुन उद्देश्यले जनयुद्धको सुरु गरिएको थियो, त्यो पूरा नभएको भन्दै नेकपाले बताउँदै आएको छ । उसले नयाँ शिरबाट बाँकी उद्देश्य पूरा गर्ने भन्दै एकीकृत जनक्रान्तिको कार्यदिशा अगाडि सारेको छ ।

    फागुन १ गते रोल्पाको होलेरी, रुकुमको आठबिसकोट र सिन्धुलीको सिन्धुलीगढी प्रहरीचौकीमाथि आक्रमण गरेर सुरु भएको जनयुद्धले राजतन्त्रको अन्त्य र गणतन्त्रको स्थापन गरेको थियो ।

    नेकपाले महासचिव विप्लवसहित शिर्ष नेताहरुको सहभागिता जनयुद्ध दिवस मनाउन लागेको बताइएको छ ।

    प्रतिकृया दिनुहोस्