काठमाडौँ । बालुवाटरको विवादित जग्गा नेपाल कम्युनिस्ट पार्टीले कब्जा गरेको छ । प्रधानमन्त्री नीवससँगै जोडिएको ललिता निवासी रहेको विवादित जग्गामा झण्डा गाँडेर कब्जा गरेको घोषणा गरेको हो ।
विप्वल नेतृत्वको नेपाल कम्युनिस्ट पार्टीका कार्यकर्ताहरुले बुधबार साँझ उक्त सरकारी जग्गा व्यक्तिको नाममा गरेको भन्दै कब्जा गरेको घोषणा गरेका हुन् । उनीहरुले जग्गा सरकारको नाममा फिर्ता गर्न चेतावनी समेत दिएका छन् ।
ललिता निवासको जग्गा कब्जा गरेको व्यानवर समेत उक्त स्थानमा गाडिएको छ । उक्त व्यानरमा मिनबहादुर गुरुङ, भोकाकान्त ढकाल, रामकुमार सुवेदी, विष्णुप्रसाद पौडेलको नाममा गरिएको सबै ११५ रोपनी जग्गा कब्जा गरेको नेकपाले जनाएको छ ।
त्यसैगरी ललिता निवासको जग्गा हडप्ने योजनाको मुख्य नाईके मानिएका शोभाकान्त ढकालको घर सेवोटेज गरेको नेकपाले जनाएको छ ।
बालुवाटरस्थित ललिता निवास परिसरमा रहेको ११५ रोपनी सरकारी व्यक्तिको नाममा दर्ता गर्ने र बेच्ने योजनाकार भएकोले, शारदा त्रितालको नेतृत्वको गठित छानविन समितिले भूमाफिया किटान गरेकोले ढकालको घर सेवोटेज गरेको पर्चामा उल्लेख गरिएको छ ।
