News Portal

  • महरा रिहा हुँदैः अन्तिम सुनुवाई सुरु, बकपत्रको लागि विज्ञ बोलाउन अदालतको आदेश

    १२७७ पटक

    काठमाडौं । पूर्वसभामुख कृष्णबहादुर महराको अन्तिम सुनुवाई सुरु भएको छ । काठमाडौँ जिल्ला अदालतको न्यायाधीश अम्बरराज पौडेलको इजलासले आइतबार जबर्जस्ती करणी उद्योगको मुद्दामा घटना विवरणमा कागज गर्ने व्यक्ति र केन्द्रीय प्रहरी विधिविधान प्रयोगशाला विज्ञलाई बकपत्रका लागि झिकाउने आदेश दिएको छ । सरकारी वकिल र अन्य साक्षीको बयान समाप्त भएपछि अन्तिम सुनुवाइ आजदेखि शुरु भएको हो ।

    संसद सचिवालयकी कर्मचारी रोशनी शाहीलाई जबर्जस्ती करणी गर्ने प्रयास गरेको आरोपमा पुर्पक्षका लागि थुनामा राख्न आदेश थिएको थियो । सोहीअनुसार महरा डिल्लीबजार कारागारमा रहेका छन् । गत कात्तिक १८ गते जिल्ला न्यायाधीश सुदर्शनराज पाण्डेको इजलासले थुनामा राखी अनुसन्धान अघि बढाउन आदेश दिएको थियो । उच्च अदालत पुगेका महरालाई जिल्ला अदालतले दिएको आदेशलाई नै सदर गरेको थियो ।

    बकपत्र गरेर अधिवक्ता र सरकारी वकिलले आआफ्नो बहस गरेपछि अदालतले फैसला सुनाउने छ । महराले जबरजस्ती करणी गरेको पुष्टि भएमा पाँच वर्ष र विशिष्ट व्यक्ति भएकोले थप साढे दुई वर्ष गरी साढे सात वर्षसम्म जेल बस्नुपर्ने छ ।

    बलात्कार प्रयासको आरोपमा गत असोज १९ गते प्रहरीले अभियुक्तलाई पक्राउ गरी अनुसन्धान शुरु गरिएको थियो ।

    पूर्वमाओवादी केन्द्रका नेताहरुका अनुसार अमेरिकी मिलेनियम च्यालेन्ज कर्पोरेशन (एमसीसी)लाई संसदमा पास गर्न अवरोध गरेपछि महरालाई फसाइएको बताउँदै आएका छन् । स्यम् महराले पनि आफूले बलात्कार प्रयास नगरेको भन्दै फसाउन षड्यन्त्र भएको बताउँछन् । यदि यो भने एमसीसीको देशभर विरोध भइरहेको बेला महरालाई रिहाईको आदेश नहुन सक्ने एकथरीको आशंका छन् । तर स्रोतका अनुसार महरामाथि लागेको आरोप पुष्टी नभएकोले रिहाई हुँदैछन् । पीडित भनिएको रोशनीले समेत उक्त आरोप आफूले रिसको झोकमा लगाएको भन्दै खण्डन गरेकी छन् ।

    प्रतिकृया दिनुहोस्