News Portal

‘सरकारले संकटकाल बिर्साउने गरी दमन गर्‍यो, उत्पन्‍न परिस्थितिको जिम्मेवार हामी हुँदैनौं’

६२२ पटक

काठमाडौं । नेपाल कम्युनिस्ट पार्टीले सरकार भारतसँग लम्पसार परेको बताएको छ । उसले राष्ट्रियता रक्षाको आन्दोलनमा आवाज उठाउँदा आफ्ना पार्टीका नेता–कार्यकर्ताहरुलाई गोली हान्ने र गिरफ्तार गरी झुठा मुद्दा लगाएर जेल हालेर भारतलाई खुशी बनाइरहेको बताएको छ ।

विप्लव नेतृत्वको नेकपाका पूर्वी कमाण्ड इन्चार्ज विषमले विज्ञप्ति जारी गरेर आफ्ना नेता–कार्यकर्तालाई जेल–हिरासतमा पठाएर सरकारले शान्तिका पक्षमा नभएको बताएका छन् । विषमले पार्टीका केन्द्रीय सदस्य उमा भुजेलसहितका नेता कार्यकर्ताको गिरफ्तारीप्रति आपत्ति जनाउँदै रिहाईको माग समेत गरेका छन् ।
इन्चार्ज विषमले विज्ञप्तिमा सरकारले संकटकाल बिर्साउने गरी आफ्ना कार्यकर्ता गिरफ्तार गर्न थालेको आरोप लगाएका छन् । उनले पार्टीको मेची–कोशी व्युरो इन्चार्ज समेत रहेकी भुजेलसहित मेची–कोशी व्युरो सचिव सुमन सिंह, मोरङ जिल्ला इन्चार्ज नरेश चौलागाईसहित ९ जनालाई सुनसरी र मोरङबाट गिरफ्तार गरिएको भन्दै रिहाईको माग समेत गरेका छन् । गिरफ्तार नेता कार्यकर्ता विना शर्त रिहाई नगरे त्यसबाट उत्पन्न हुने परिस्थितिको जिम्मेवार सरकार हुने चेतावनी समेत विषमले दिएका छन् ।

“पार्टी कामको सिलसिलामा रहेका बेला आफ्ना पार्टीका नेता तथा कार्यकर्तालाई हतियारधारी सुरक्षाकर्मीले संकटकाललाई बिर्साउनले गरिएको छ । हाम्रो पार्टी केपी सरकारको उक्त रवैयाको घोर भत्र्सना र निन्दा गर्दै गिरफ्तार गरिएका कमरेडहरुलाई विना शर्त रिहाइको माग गर्दछ । भारतीय हस्तक्षेपविरुद्ध आन्दोलन गर्दा प्रहरी दमन गर्ने सरकार विदेशी शक्तिका सामु लम्पसार परिरहेको छ” जारी विज्ञप्तिमा उल्लेख गरिएको छ ।

यस्तो छ विज्ञप्ति

प्रतिकृया दिनुहोस्