काठमाडौं । संचार तथा सूचना प्रविधिमन्त्री गोकुल बाँस्कोटाले कालापानी, लिपुलेक मात्रै नभइ लिम्पियाधुरा पनि नेपालको रहेको बताएका छन् ।
प्रेस संगठन कञ्चनपुरले महेन्द्रनगरमा आयोजना गरेको पत्रकार सम्मलेनमा बोल्दै उनले भारतले कालापानी लिपुलेकमा दाबी गरे पनि लिम्पियाधुरासम्म नेपालकै रहेको बताए ।
यस विषयमा भारत सरकारलाई पत्र पठाइएको र त्यसको सकारात्मक जवाफ आएको बताउँदै आफूहरुले ब्रिटिसकालिन सन्दर्भ सामाग्रीलाई तथ्य बनाउनुपर्ने माग राखेको बताए ।
उनले प्रतिनिधिसभामा सत्तारूढ दलकै व्यक्ति सभामुख पदमा आउने पनि बताए । उनले अन्य दललाई उक्त पद नदिने संकेतसमेत गरे ।
उनले सभामुखको विषय चाँडै टुङ्गो लाग्ने जानकारी दिँदै कञ्चनपुरको भीमदत्तनगरपालिका-२ का १३ वर्षिय बालिका निर्मला पन्त हत्या प्रकरण सरकारले त्यसै नछाड्ने बताए ।
विभिन्न कोणबाट अनुसन्धान भइरहेको बताउँदै उनले घटनाका दोषीलाई कारवाहीको दायरामा ल्याएर छाड्ने बताए ।
