News Portal

  • आफ्नै नागरिकमाथि मोदी सरकारको बर्बर दमनः २३ जनाको मृत्यु, सयौं घाइते, दुई हजार गिरफ्तार

    ३४० पटक

    काठमाडौं । भारत सरकारले नागरिकता सम्बन्धी नयाँ कानुन विभेदकारी भएको भन्दै सुरु भएको आन्दोलन झन् चर्किदै गएको छ । नयाँ कानुनले मुस्लिमलागतका समुदायमाथि विभेद भएको भन्दै विरोध प्रदर्शनमा उत्रेकाहरुमाथि सुरक्षाकर्मी धन्धाधुन्धा गोली चलाइरहेको छ ।

    भारतीय संचारमाध्यमहरुका अनुसार शनिबार साँझसम्म सुरक्षाकर्मीको गोलीबाट २३ जना प्रदर्शनकारीको मृत्यु भइसकेको छ । शान्तिपूर्ण विरोध प्रदर्शनमाथि सुुरक्षाकर्मीले दमन गरेपछि भारतभर आन्दोलन उठेको छ ।

    शान्तिपूण आन्दोनलमा उत्रेकाहरुमाथि सुरक्षाकर्मीले गोली प्रहार गरेर शनिबार मात्र ६ जनाको हत्या गरेका छन् । विरोध प्रदर्शनमा उत्रेका अधिकांश युवाहरुमाथि प्रहरीले ताकेर गोली चलाएको भारतीय संचारमाध्यमहरुले जनाएका छन् ।

    सत्तारुढ भारतीय जनता पार्टीको सरकार रहेका प्रदेशमा बढी दमन गरिएको बताइएको छ । सुरक्षाकर्मीको गोली लागेर सयौं प्रदर्शनकारी घाइते भएका छन् ।
    सरकारी दमनबाट आक्रोसित प्रदर्शनकारीले प्रहरी चौकीमासमेत आक्रमण गरेका छन् भने दर्जनौ सरकारी सवारीसाधन र सार्वजनिक, निजी भवनहरुका तोडफोड गरेका छन् ।

    सुरक्षाकर्मीले इन्टरनेट सेवा अझै बन्द गरेको छ भने प्रदर्शनका क्रममा सुरक्षाकर्मीको दमनका तस्विरहरु सामाजिक सञ्जालमा पोष्ट गरिएका छन् ।
    करिब दुई हजार प्रदशर्नकारीलाई प्रहरीले नियन्त्रणमा लिएको बताइएको छ । सरकारले थप हिंसा फैलाउन सहयोग पुग्ने सामग्री प्रकाशन र प्रसारण गर्नसमेत सञ्चारमाध्यमहरुलाई रोक लगाएको छ ।

    प्रधानमन्त्री नरेन्द्र मोदीले मुसलमानहरुलाई विभेद गरेर नागरिकता सम्बन्धी नयाँ कानुनी व्यवस्था गर्न लागेपछि विरोध सुरु भएको थियो ।

    प्रतिकृया दिनुहोस्