धनगढी । अनेरास्ववियु (क्रान्तिकारी)का दार्चुला जिल्ला अध्यक्ष सुवाससहित ५ नेता रिहा भएका छन् । भारतले कालापानी–लिपुलेकमा गरेको अतिक्रमणविरुद्ध गरिएको विरोध प्रदर्शनको क्रममा जोशीलाई २१ दिन पहिला प्रहरीले गिरफ्तार गरेको थियो ।
विप्लव नेतृत्वको नेपाल कम्युनिस्ट पार्टी निकट अखिल क्रान्तिकारीले जिल्ला सदरमुकाम दार्चुलामा गरिएको विरोध प्रदर्शनमाथि प्रहरीले हस्तक्षेप गरेर केन्द्रीय सदस्य तिलक कुँवर, जिल्ला अध्यक्ष जोशीसहित ६ जनालाई गिरफ्तार गरेको थियो । अदालतको आदेशमा जोशीसहित ५ जनालाई रिहा गरिएको छ भने केन्द्रीय सदस्य कुँवरलाई प्रहरीले पुनः गिरफ्तार गरेको छ ।
अध्यक्ष जोशीसँगै विद्यार्थी ध्वनि, ललित, गणेश र दिपक रिहा भएको अखिल क्रान्तिकारीले जानकारी दिएको छ ।
भारतीय अतिक्रमणविरुद्ध गरिएको विरोध उत्रेका विद्यार्थीमाथि प्रहरीले हस्तक्षेप तथा धरपडक गर्दै गिरफ्तार गरेको भन्दै चौतर्फी विरोध भएको थियो ।
