काठमाडौँ । अनेरास्ववियु (अखिल क्रान्तिकारी)ले लिम्पियाधुरा, कालापानी–लिपुलेक अतिक्रमणविरुद्ध विरोध प्रदर्शन गरेको छ । विप्लव नेतृत्वको नेपाल कम्युनिस्ट पार्टी निकट अखिल क्रान्तिकारीले काठमाडौँको ढल्कुमा विरोध प्रदर्शन गरेको हो ।
ढल्कुबाट ठमेल, असन आउन लागेको विरोध प्रदर्शनलाई प्रहरीले हस्तक्षेप गरेको थियो । काठमाडौँका विभिन्न ठाउँहरुबाट ढल्कुतिर गइरहेका विद्यार्थीहरुलाई बीचमै प्रहरीले रोकेको थियो ।
ढल्कु पुगेको विद्यार्थीहरुलाई पनि प्रहरीले हस्तक्षेप गरेको थियो । प्रहरी हस्तक्षेका कारण ढल्कु पुल नजिक जम्मा भएका विद्यार्थीहरु तितरवितर भएका थिए । फेरि विद्यार्थीहरुले नारा लगाउँदै विरोध प्रदर्शन गरेका थिए ।
‘कालापानी हाम्रो, सीमा मिच्न पाइदैन, कालापानीबाट भारतीय सेना फिर्ता गर, नेपाली सेनालाई कालापानीमा तैनाथ गर’ जस्ता नारा लगाउँदै विद्यार्थीहरुले कोणसभा गरेका थिए । कोणसाभालाई सम्बोधन गर्दै विद्यार्थी नेताहरुले सम्बोधन गरेका थिए । उनीहरुले सीमा अतिक्रमणको विरोध गर्दा सरकारले हस्तक्षेप गरेको भन्दै आपत्ति समेत जनाएका थिए ।
प्रहरीले ढल्कुबाट ६ जना र क्षेत्रपाटीबाट दुईजना गरी ८ जना विद्यार्थीलाई गिरफ्तार गरेको छ ।
भिडियो
https://www.facebook.com/onlinedabali/videos/1041322632870940/
