काठमाडौं । एन आई सी एशिया बैंकको २ वटा नयाँ शाखा ललितपुरको मंगलबजार र काठमाडौँको दरबारमार्गमा एकै साथ सञ्चालन भएको छ ।
ग्रामीण तथा दुर्गम स्थानहरु साथै शहरी क्षेत्रमासमेत आफ्नो उपस्थितिलाई थप दरिलो बनाउने क्रमसँगै बैंकले शाखा संचालन गरेको हो ।
ललितपुर महानगरपालिका वडा नं.१२, टंगाल पाटन स्थित मंगलबजार शाखा र काठमाडौं महानगरपालिका वडा नं.१, दरबारमार्ग स्थित दरबारमार्ग शाखा यही मंसिर २९ गतेबाट संचालनमा आएको हो ।
मंगलबजार शाखाकोे उदघाटन सोही वडाका वडा अध्यक्ष नारायण लाल अवाले र दरबारमार्ग शाखाकोे उदघाटन एन आई सी एशिया बैंकका उप-प्रादेशिक कार्यालय काठमाडौँका प्रमुख तेज राज तिमिल्सिनाले गरे ।
२ नयाँ शाखा सञ्चालनमा आएसँगै ललितपुर र काठमाडौँ क्षेत्रका ग्राहक महानुभावहरुलाई यस बैंकको सेवा प्राप्त गर्न थप सहज हुने विश्वास बैंकले लिएको छ ।
