News Portal

अखिल क्रान्तिकारीको ललितपुर अध्यक्षमा सुनार निर्वाचित 

४४८ पटक

काठमाडौं । अनेरास्ववियु (क्रान्तिकारी)को ललितपुर अध्यक्षमा रमेश सुनार निर्वाचित भएका छन् । विप्लव नेतृत्वको नेपाल कम्युनिस्ट पार्टी निकट अखिल क्रान्तिकारीको जिल्ला सम्मेलनले नयाँ नेतृत्व चयन गरेको छ ।

अखिल क्रान्तिकारीको २४ औं जिल्ला सम्मेलनले सुनारको अध्यक्षमा २१ सदस्यीय नयाँ कार्यसमित निर्वाचित गरेको हो ।

सम्मेलनको उद्घाटन गर्दै प्रमु-ख अतिथि तथा संगठनका महासचिव प्रकाश शाहीले शैक्षिक विकृति-विसंगतिविरुद्ध संगठनले देशभर संघर्ष गरिरहेको बताउँदै नयाँ निर्वाचित नेतृत्वले जिल्लामा अभियानात्मक रुपमा संघर्ष चलाउनु पर्ने बताए ।

त्यसैगरी संगठनका केन्द्रीय सचिवालय सदस्य तथा उपत्यका क्षेत्रीय समन्वय समिति संयोजक हर्कबहादुर बिकले शैक्षिक माफियासँग सीमा अतिक्रमणविरुद्ध संघर्ष गर्नुपर्ने बेला आएको बताए । सम्मेलनका विशिष्ट अतिथि समेत रहेका बिकले भारतीय अतिक्रमणविरुद्धको काठमाडौंबाट सुरु भएको सडक आन्दोलन देशव्यापी भएको बताए ।

सम्मेलनपछि नवनिर्वाचित कार्यसमितिलाई बधाई दिँदै संयोजक बिकले वैज्ञानिक समाजवाद विना जनताका छोराछोरीको पहुँचमा शिक्षा नपुग्ने बताए । उनले नेपालको शिक्षामा दिनदिनै दलालीकरण-माफियाकरण मौलाइरहेको भन्दै त्यसविरुद्ध निर्णयक संघर्ष गर्नुपर्ने धारणा राखेका थिए ।

प्रतिकृया दिनुहोस्